ഡല്ഹി: റേഷന് സാധനങ്ങള് വീടുകളിലെത്തിക്കാനുളള സര്ക്കാരിന്റെ പദ്ധതി വിലക്കിയ കേന്ദ്രസര്ക്കാരിന്റെ നടപടിയെ വിമര്ശിച്ച് ഡല്ഹി മുഖ്യമന്ത്രി അരവിന്ദ് കെജ്രിവാള്. റേഷന് മാഫിയയുടെ സ്വാധീനമാണ് കേന്ദ്രസര്ക്കാര് ഇത്തരമൊരു തീരുമാനത്തിലെത്താന് കാരണമെന്ന് അദ്ദേഹം ആരോപിച്ചു. ഓണ്ലൈനായി സംഘടിപ്പിച്ച പത്രസമ്മേളനത്തില് സംസാരിക്കുകയായിരുന്നു അദ്ദേഹം.
സംസ്ഥാനത്തെ പാവപ്പെട്ടവരുടെ ദാരിദ്രമകറ്റാനുളള വിപ്ലവകരമായ പദ്ധതിയാണ് നിര്ത്തിവയ്ക്കേണ്ടിവന്നത്. ഡല്ഹിയില് 'ഡോര്സ്റ്റെപ്പ് ഡെലിവെറി ഓഫ് റേഷന്' പദ്ധതി നടപ്പിലാക്കുന്നതിന് രണ്ട് ദിവസം മുന്പാണ് പദ്ധതിക്ക് കേന്ദ്രസര്ക്കാര് വിലക്ക് പ്രഖ്യാപിച്ചത്. പിസ്സ, ബര്ഗര്, സ്മാര്ട്ട്ഫോണ്, വസ്ത്രങ്ങള് തുടങ്ങി എല്ലാം വീടുകളിലെത്തിക്കുന്നുണ്ട് എന്തുകൊണ്ടാണ് പാവങ്ങള്ക്കായുളള റേഷന് വീടുകളിലെത്തിക്കുന്നതിനെ എതിര്ക്കുന്നതെന്ന് അരവിന്ദ് കെജ് രിവാള് ചോദിച്ചു.
രാജ്യത്തെ റേഷന് മാഫിയ എത്ര ശക്തരാണെന്ന് നോക്കു, പദ്ധതി നടപ്പിലാക്കുന്നതിന് ദിവസങ്ങള് മുന്പ് അവര്ക്ക് അത് റദ്ദാക്കാന് സാധിച്ചു. പദ്ധതി നടപ്പിലാക്കാന് കേന്ദ്രസര്ക്കാരിന്റെ അനുമതി വാങ്ങിയില്ലെന്നാണ് കേന്ദ്രസര്ക്കാരിന്റെ ആരോപണം എന്നാല് പദ്ധതി നടപ്പിലാക്കാന് കേന്ദ്രത്തിന്റെ അനുമതി ആവശ്യമില്ല എങ്കിലും അഞ്ച് തവണ കേന്ദ്രത്തിന്റ അനുമതി തേടിയതായും അദ്ദേഹം പറഞ്ഞു. പദ്ധതി നിലവില് വന്നിരുന്നെങ്കില് തലസ്ഥാനത്തെ 72 ലക്ഷം ജനങ്ങള്ക്ക് ഗുണം ചെയ്യുമായിരുന്നുവെന്നും ഡല്ഹി മുഖ്യമന്ത്രി അരവിന്ദ് കെജ്രിവാള് കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക