തിരുവനന്തപുരം: സംസ്ഥാനത്ത് മത്സ്യം ലഭ്യമാക്കാന് പുതിയ ആപ്പ് വരുന്നു. ഇനി മുതല് മൊബൈല് ആപ്പിന്റെ സഹായത്തോടെ മത്സ്യവും അനുബന്ധ ഉത്പന്നങ്ങളും വാങ്ങാം. മീമീ എന്നു പേരിട്ട ആപ്പിന്റെ ഉദ്ഘാടനം ഫിഷറീസ് മന്ത്രി സജി ചെറിയാന് ഉദ്ഘാടനം ചെയ്തു. ചലച്ചിത്രതാരം ആനി ഉത്പന്നം ഏറ്റുവാങ്ങി. കടല് മത്സ്യങ്ങള്ക്കും ഉള്നാടന് മത്സ്യങ്ങള്ക്കുമൊപ്പം ഇരുപതോളം മൂല്യവര്ധിത ഉത്പന്നങ്ങളും ജനങ്ങള്ക്ക് ലഭ്യമാക്കാന് ഇതിലൂടെ സാധിക്കുമെന്ന് മന്ത്രി സജി ചെറിയാന് പറഞ്ഞു.
തുടക്കത്തില് കൊല്ലം ജില്ലയിലാണ് ആപ്പിന്റെ സേവനം ലഭിക്കുക. തുടര്ന്ന് ആലപ്പുഴ, പത്തനംതിട്ട ജില്ലകളുടെ വിവിധ ഭാഗങ്ങളിലും ഉത്പന്നങ്ങള് വീടുകളിലെത്തിച്ചു നല്കും. കൊല്ലത്ത് ഇതിനായി 12 കിയോസ്ക്കുകള് ആരംഭിച്ചിട്ടുണ്ട്. കിയോസ്ക്കുകളില് മികച്ച ശീതീകരണ സംവിധാനങ്ങളും ഒരുക്കിയിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പുതിയ സംരംഭത്തിലൂടെ കൂടുതല് യുവാക്കള്ക്ക് തൊഴില് ലഭ്യമാക്കാനാവുമെന്നാണ് കരുതുന്നത്. കൊല്ലം ശക്തികുളങ്ങര ഫിഷ് പ്രോസസിംഗ് പ്ലാന്റില് സൗരോര്ജ സംവിധാനം വഴി മത്സ്യം അണുമുക്തമാക്കി ഉണക്കി വിപണിയിലെത്തിക്കുന്ന സംവിധാനത്തിനും തുടക്കമായി.