ഡല്‍ഹി: വിവാദ കാര്‍ഷിക നിയമങ്ങള്‍ക്കെതിരായ കര്‍ഷകരുടെ ഭാരത് ബന്ദ് തുടങ്ങി. രാവിലെ ആറുമണിമുതല്‍ വൈകുന്നേരം നാലുമണിവരെയാണ് ബന്ദ്. രാജ്യത്തെ വിവിധ സര്‍ക്കാര്‍,സ്വകാര്യ, വിദ്യാഭ്യാസ സ്ഥാപനങ്ങള്‍, പൊതുപരിപാടികള്‍ തുടങ്ങിയവയെ ഭാരത് ബന്ദ് ബാധിക്കും. ആശുപത്രി, മെഡിക്കല്‍ ഷോപ്പുകള്‍ തുടങ്ങിയ അവശ്യസേവന വിഭാഗങ്ങളെ ബന്ദില്‍ നിന്ന് ഒഴിവാക്കിയിട്ടുണ്ട്. ജനാധിപത്യത്തിന്റെയും ഫെഡറലിസത്തിന്റെയും തത്വങ്ങള്‍ സംരക്ഷിക്കുന്നതിനായി രാജ്യത്തെ ജനങ്ങളും രാഷ്ട്രീയപാര്‍ട്ടികളും ഒന്നിച്ചുനിന്ന് പോരാടണമെന്ന് സംയുക്ത കിസാന്‍ മോര്‍ച്ച ആഹ്വാനം ചെയ്തു.
ഡല്‍ഹി അതിര്‍ത്തികളിലെ സമരവേദികളില്‍ കര്‍ഷകര്‍ ഇന്ന് മാര്‍ച്ച് നടത്തും. പഞ്ചാബിലും ഹരിയാനയിലും ദേശീയപാതകള്‍ ഉപരോധിക്കും. ട്രെയിനുകള്‍ തടയും. കോണ്‍ഗ്രസും എല്‍ഡിഎഫുമടക്കം രാജ്യത്തെ നിരവധി രാഷ്ട്രീയ സംഘടനകള്‍ കര്‍ഷകരുടെ ഭാരത് ബന്ദിന് ഐക്യദാര്‍ഡ്യം പ്രഖ്യാപിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം കേരളത്തില്‍ കര്‍ഷകരുടെ ഭാരത് ബന്ദിനെ പിന്തുണച്ച് കേരളത്തില്‍ ഹര്‍ത്താല്‍ ആരംഭിച്ചു. രാവിലെ ആറുമുതല്‍ വൈകുന്നേരം ആറുമണിവരെയാണ് ഹര്‍ത്താല്‍. പാല്‍ പത്രം ആശുപത്രി തുടങ്ങിയ അവശ്യസര്‍വ്വീസുകളെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട്. സംസ്ഥാനത്ത് സര്‍ക്കാര്‍ ഓഫീസുകളുടെ പ്രവര്‍ത്തനം ഭാഗികമായിരിക്കും. കെഎസ്ആര്‍ടിസി സാധാരണ സര്‍വ്വീസുകള്‍ നടത്തില്ല.
