കണ്ണൂര് : അരിയില് ഷുക്കൂര് വധത്തിന് മുന്നോടിയായി നടന്ന പി ജയരാജന് വധശ്രമക്കേസിലെ പ്രതികളെ കോടതി വെറുതെ വിട്ടു. കണ്ണൂര് അഡിഷണല് സെഷന്സ് കോടതിയുടെതാണ് വിധി. വിട്ടയച്ച 12 പ്രതികളില് എല്ലാവരും മുസ്ലീം ലീഗ് പ്രവര്ത്തകരാണ്. ഹനീഫ, അന്സാര്, അഷ്റഫ്, സുഹൈല്, റൗഫ്, അനസ്, സക്കരിയ്യ, യഹിയ, ഷംനാദ് , യഹിയ, നൗഷാദ്, സജീര് എന്നിവരെയാണ് കോടതി വിറുതെവിട്ടത്.
കണ്ണൂരിലെ തളിപ്പറമ്പ് അരിയില് പ്രദേശത്ത് വച്ച് പി ജയരാജന്, കെ കെ രാകേഷ് തുടങ്ങിയ സിപിഎം നേതാക്കള് സഞ്ചരിച്ച വാഹനം തടഞ്ഞുനിര്ത്തി, അവരെ ആക്രമിക്കുകയും വധിക്കാന് ശ്രമിക്കുകയും ചെയ്തുവെന്നാണ് കേസ്. 2012 ഫെബ്രുവരി 20 നാണ് കേസിനാസ്പദമായ സംഭവം. ലീഗ് പ്രവര്ത്തകനായ അരിയില് ഷുക്കൂര് വധിക്കപ്പെടുന്നതിലേക്ക് നയിച്ചത് ഈ സംഭവമാണ് എന്ന് പറയപ്പെടുന്നു.