'ആരുപറഞ്ഞു ലോക്‌സഭ ആകര്‍ഷകമല്ലെന്ന്?'; വനിതാ എംപിമാര്‍ക്കൊപ്പമുളള ഫോട്ടോ പങ്കുവച്ച് ശശി തരൂര്‍

ഡല്‍ഹി: പാര്‍ലമെന്റില്‍ നിന്ന് വനിതാ എംപിമാരോടൊപ്പമുളള ചിത്രം പങ്കുവച്ച് ശശി തരൂര്‍ എംപി. 'ലോക്‌സഭ ജോലി ചെയ്യാന്‍ ആകര്‍ഷകമായ സ്ഥലമല്ലെന്ന് ആരു പറഞ്ഞു' എന്ന തലക്കെട്ടോടുകൂടിയാണ് ചിത്രം ശശി തരൂര്‍ പങ്കുവെച്ചിരിക്കുന്നത്. വിവിധ സംസ്ഥാനങ്ങളില്‍ നിന്നുളള ആറ് വനിതാ എംപിമാര്‍ക്കൊപ്പം നില്‍ക്കുന്ന സെല്‍ഫിയാണ് അദ്ദേഹം പോസ്റ്റ് ചെയ്തത്.

പശ്ചിമബംഗാളില്‍ നിന്നുളള തൃണമൂല്‍ എംപിമാരായ മിമി ചക്രബര്‍ത്തി, നുസ്രത്ത് ജഹാന്‍, തമിഴ്‌നാട്ടില്‍ നിന്നുളള കോണ്‍ഗ്രസ് എംപി ജ്യോതിമണി സെണ്ണിമലെ, ഡിഎംകെ എംപി തമിഴാച്ചി തങ്കപാണ്ഡ്യന്‍, പഞ്ചാബില്‍ നിന്നുളള കോണ്‍ഗ്രസ് എംപിയും അമരീന്ദര്‍ സിംഗിന്റെ ഭാര്യയുമായ പ്രണീത് കൗര്‍,  മഹാരാഷ്ട്രയില്‍ നിന്നുളള എന്‍സിപി എംപിയും ശരത് പവാറിന്റെ മകളുമായ സുപ്രിയ സുലേ എന്നിവര്‍ക്കൊപ്പം നില്‍ക്കുന്ന ചിത്രമാണ് ശശി തരൂര്‍ പങ്കുവെച്ചത്.

എന്നാല്‍ ചിത്രത്തിന് താഴെ ശശി തരൂര്‍ എംപിയെ വിമര്‍ശിച്ചുകൊണ്ടുളള നിരവധി കമന്റുകളാണ് വന്നത്. ശശി തരൂര്‍ നടത്തിയത് സെക്‌സിറ്റ് ജോക്കാണ്, അശ്ലീലത നിറഞ്ഞ പോസ്റ്റാണിത്, സ്ത്രീയെ ഉപഭോഗ വസ്തുവായി കാണുന്നയാളാണ് അദ്ദേഹം തുടങ്ങി നിരവധി കമന്റുകളാണ് ശശി തരൂരിനെതിരെ വന്നത്. വിമര്‍ശനങ്ങള്‍ വന്നതിനുപിന്നാലെ ശശി തരൂര്‍ വിശദീകരണവുമായി രംഗത്തെത്തുകയും പോസ്റ്റില്‍ ചില മാറ്റങ്ങള്‍ വരുത്തുകയും ചെയ്തു.

'വനിതാ എംപിമാര്‍ മുന്‍കൈയ്യെടുത്താണ് ഫോട്ടോ എടുത്തത്. അവര്‍ ആവശ്യപ്പെട്ടതുപ്രകാരമാണ് ചിത്രം പോസ്റ്റ് ചെയ്തത്. ഫോട്ടോ ചിലയാളുകള്‍ക്ക് വിഷമമുണ്ടാക്കിയതില്‍ ഖേദം പ്രകടിപ്പിക്കുന്നു. എന്നാല്‍ ജോലിസ്ഥലത്തുണ്ടായ സന്തോഷപ്രകടനമായിരുന്നു ആ ചിത്രം. അതിനാല്‍ അതില്‍ സന്തോഷിക്കുന്നു' എന്നായിരുന്നു ശശി തരൂരിന്റെ വിശദീകരണം.

Contact the author

National Desk

Recent Posts

National Desk 4 hours ago
National

മുല്ലപ്പെരിയാര്‍ അണക്കെട്ടിന്‍റെ ശില്പിക്ക് ബ്രിട്ടണില്‍ സ്മാരകം പണിയുമെന്ന് സ്റ്റാലിന്‍

More
More
National Desk 5 hours ago
National

നടന്‍ സോനു സൂദിന്റെ സഹോദരി പഞ്ചാബില്‍ നിന്ന് കോണ്‍ഗ്രസ് സ്ഥാനാര്‍ഥിയായി മത്സരിക്കും

More
More
National Desk 1 day ago
National

പഞ്ചാബിലെ മുതിര്‍ന്ന കോണ്‍ഗ്രസ് നേതാവ് യോഗീന്ദര്‍ സിംഗ് മാന്‍ ആം ആദ്മി പാര്‍ട്ടിയില്‍

More
More
Web Desk 1 day ago
National

അഖിലേഷുമായുള്ള സഖ്യശ്രമം പരാജയപ്പെട്ടത് ദളിതരോടുള്ള അവഗണന മൂലം- ചന്ദ്രശേഖര്‍ ആസാദ്

More
More
Web Desk 1 day ago
National

പൊലീസ് വാഹനമിടിച്ച് മരിച്ച ജീവനക്കാരന്റെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ച് സൊമാറ്റോ

More
More
Web Desk 1 day ago
National

ആം അദ്മി പഞ്ചാബ് മുഖ്യമന്ത്രിയെ ഫോണ്‍ വഴിയുള്ള നിര്‍ദ്ദേശത്തിലൂടെ തീരുമാനിക്കും

More
More