മുംബൈ: പീഡനക്കേസില് ബിനോയ് കോടിയേരിയുടെ ഡി എന് എ ഫലം പുറത്തുവിടണമെന്ന യുവതിയുടെ അപേക്ഷ കോടതി ഇന്ന് പരിഗണിക്കും. ബോംബൈ ഹൈക്കോടതിയാണ് അപേക്ഷ പരിഗണിക്കുന്നത്. കേസ് അനിശ്ചിതമായി നീളുകയാണെന്നും അതുകൊണ്ട് എത്രയുംപെട്ടന്ന് ഡി എന് എ ഫലം പുറത്തുവിടണമെന്നുമാണ് യുവതിയുടെ ആവശ്യം. ഈ ആവശ്യങ്ങള് വ്യക്തമാക്കി യുവതി ഡിസംബര് മൂന്നാം തിയതിയാണ് കോടതിയെ സമീപിച്ചത്.
2019 ജൂണിലാണ് ബിഹാര് സ്വദേശിയായ യുവതി ബിനീഷ് കോടിയേരിക്കെതിരെ പീഡനപരാതി ഉന്നയിച്ചത്. ഡാന്സ് ബാറിലെ നര്ത്തകിയായിരുന്ന യുവതിയെ ബിനീഷ് വര്ഷങ്ങളോളം പീഡിപ്പിച്ചുവെന്നും ആ ബന്ധത്തില് ഒരു മകനുണ്ടെന്നുമാണ് യുവതി പരാതിയില് പറഞ്ഞിരുന്നത്. തന്റെയും മകന്റെയും ജീവിതച്ചിലവിനുളള പണം ബിനീഷ് നല്കണമെന്നും യുവതി ആവശ്യപ്പെട്ടിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
യുവതിയുടെ പീഡനപരാതി തളളണമെന്നാവശ്യപ്പെട്ട് ബിനീഷ് കോടിയേരി കോടതിയെ സമീപിച്ചിരുന്നു. 2019 ജൂലൈയിലാണ് ഡി എന് എ ടെസ്റ്റ് നടത്താന് കോടതി നിര്ദേശിച്ചത്. 2019-ല് നടത്തിയ ഡി എന് എ ടെസ്റ്റിന്റെ റിസള്ട്ട് പതിനേഴ് മാസങ്ങള്ക്കുശേഷം 2020 ഡിസംബറിലാണ് ലഭിച്ചത്. ടെസ്റ്റ് റിസള്ട്ട് സീല് ചെയ്ത കവറില് കോടതിയില് സമര്പ്പിച്ചിരുന്നു. ഈ റിസള്ട്ട് പുറത്തുവിടണമെന്നാണ് യുവതി ആവശ്യപ്പെടുന്നത്.