ഡല്ഹി: തബ്ലീഗ് ജമാഅത്തിന്റെ സാമ്പത്തിക സ്രോതസ്സിനെ സംബന്ധിച്ച് അനേഷണം നടത്താന് കേന്ദ്ര സര്ക്കാര് ഡല്ഹി പോലീസിനും എന്ഫോര്മെന്റിനും നിര്ദ്ദേശം നല്കി. തബ്ലീഗ് ജമാഅത്തിന്റെ മേധാവി മൌലാനാ അസദിനോട് ഇതു സംബന്ധിച്ചുള്ള കണക്കുകള് ഹാജരാക്കാനും ആഭ്യന്തര മന്ത്രാലയം ആവശ്യപ്പെട്ടിട്ടൂണ്ട്. അതേസമയം സമ്മേളനത്തില് പങ്കെടുത്ത 200 - വിദേശികള് ഒളിവില് പോയതായി ഡല്ഹി പൊലിസ് പറയുന്നു. എന്നാല് 500 -ഓളം പേര് കുടകില് ഉള്ളതായും വിവരമുണ്ട്.
നിസാമുദ്ദീന് തബലീഗ് സമ്മേളനത്തില് പങ്കെടുത്തവരില് 88 പേരുടെ സ്രവ പരിശോധനാ ഫലം ഇന്ന് ലഭിക്കും. ഇതിനകം 400-ഓളം പേര്ക്ക് ഇതിനകം കൊവിഡ്-19 സ്ഥിരീകരിച്ചതായാണ് റിപ്പോര്ട്ട്. ഉത്തരേന്ത്യയിലടക്കം വിവിധ സംസ്ഥാനങ്ങളില് നിന്നുള്ളവര്ക്കാണ് രോഗം സ്ഥിരീകരിച്ചത്. സമ്മേളനത്തില് പങ്കെടുത്ത 9000-പേരെ തിരിച്ചറിയാന് കഴിഞ്ഞിട്ടുണ്ടെന്നും കേന്ദ്ര സര്ക്കാര് വൃത്തങ്ങള് അറിയിച്ചു.
പങ്കെടുത്ത വിദേശ പ്രതിനിധികളുള്പ്പെടെ എല്ലാവരെയും നിരീക്ഷണത്തില് കൊണ്ടുവരാനും സ്രവ പരിശോധന നടത്താനും കേന്ദ്ര ആഭ്യന്തര മന്ത്രാലയം നിര്ദ്ദേശിച്ചിട്ടുണ്ട്. മാര്ച്ച് 13-നാണ് ഡല്ഹിക്കടുത്തുള്ള നിസാമുദ്ദീനില് തബലീഗ് ജമാഅത്തിന്റെ സമ്മേളനം നടന്നത്. വിവിധ വിദേശ രാജ്യങ്ങളില് നിന്നുള്ള പ്രതിനിധികളടക്കം 10000-ത്തോളം പേര് സമ്മേളനത്തില് പങ്കെടുത്തിട്ടുണ്ട് എന്നാണ് അധികൃതരുടെ നിഗമനം.