തിരുവനന്തപുരം: സര്‍വകലാശാല പരീക്ഷകള്‍ എപ്പോള്‍ നടത്താന്‍ കഴിയും എന്ന കാര്യത്തില്‍ അന്തിമ തീരുമാനം നാളെ (ബുധന്‍) വൈസ് ചാന്‍സലര്‍ മാരുമായി നടത്തുന്ന മീറ്റിങ്ങിനു ശേഷം പറയാനാകുമെന്ന് ഉന്നതവിദ്യാഭ്യാസ മന്ത്രി കെ .ടി. ജലീല്‍ അറിയിച്ചു. അടുത്ത മാസം (മേയ്) പകുതിയോടെ നടത്താന്‍ നിശ്ചയിച്ചിരുന്ന പരീക്ഷകള്‍ അതേ തീയതികളില്‍തന്നെ നടത്താന്‍ കഴിയുമെന്നാണ് പ്രതീക്ഷയെന്നും മന്ത്രി പറഞ്ഞു.
ഗവേഷക വിദ്യാര്‍ത്തികള്‍ക്ക് ലൈബ്രറി സൗകര്യം എങ്ങനെ ലഭ്യമാക്കാം എന്നാ കാര്യത്തിലും ചര്‍ച്ചയുണ്ടാകും. ഓണ്‍ലൈന്‍ ക്ലാസ്സുകള്‍ ബുധനാഴ്ച മുതല്‍ ആരംഭിക്കാനാണ് തീരുമാനമെന്നും മന്ത്രി കെ .ടി. ജലീല്‍ അറിയിച്ചു.
