പാറ്റ്‌ന: കോണ്‍ഗ്രസ് ഇപ്പോഴും ഏറ്റവും വലിയ പ്രതിപക്ഷ പാര്‍ട്ടിയാണെന്നും മറ്റ് പ്രതിപക്ഷ പാര്‍ട്ടികള്‍ കോണ്‍ഗ്രസിന്റെ പ്രസക്തി തിരിച്ചറിയണമെന്നും രാഷ്ട്രീയ ജനതാദള്‍ നേതാവും ബിഹാര്‍ ഉപമുഖ്യമന്ത്രിയുമായ തേജസ്വി യാദവ് പറഞ്ഞു. പാര്‍ലമെന്റില്‍ കോണ്‍ഗ്രസിന്റെ അംഗങ്ങളുടെ എണ്ണം മറ്റ് പാര്‍ട്ടികളേക്കാള്‍ വളരെ കൂടുതലാണെന്നും പ്രസ്താവനകളല്ല, അവസാനം സംഖ്യകളായിരിക്കും നിര്‍ണായക ഘടകമാവുകയെന്നും തേജസ്വി യാദവ് പറഞ്ഞു. ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തിലായിരുന്നു തേജസ്വിയുടെ പ്രതികരണം.
'പാര്‍ലമെന്റില്‍ അവരുടെ അംഗങ്ങള്‍ നമ്മുടേതിനേക്കാള്‍ കൂടുതലാണെന്ന കാര്യം വിസ്മരിക്കാനാവില്ല. അവസാനം, സംഖ്യകളായിരിക്കും നിര്‍ണായക ഘടകമാവുക. പ്രസ്താവനകളല്ല. മറ്റുളള പാര്‍ട്ടികള്‍ ഓരോ സംസ്ഥാനങ്ങളിലായി പരിമിതപ്പെട്ട് കിടക്കുകയാണ്. അതുകൊണ്ട് നാം പ്രായോഗികമായി ചിന്തിക്കുകയും സാഹചര്യം മനസിലാക്കുകയും വേണം. 2024-ലെ പൊതുതെരഞ്ഞെടുപ്പിനുമുന്നോടിയായി ബിജെപിക്കെതിരെ പ്രതിപക്ഷത്തെ ഒന്നിപ്പിക്കാനായി ബിഹാര്‍ മുഖ്യമന്ത്രി നിതീഷ് കുമാറും ആര്‍ ജെ ഡി തലവന്‍ ലാലു പ്രസാദ് യാദവും ഉടന്‍തന്നെ കോണ്‍ഗ്രസ് അധ്യക്ഷ സോണിയാ ഗാന്ധിയുമായി കൂടിക്കാഴ്ച്ച നടത്തും'-തേജസ്വി യാദവ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ബിജെപിയെ പരാജയപ്പെടുത്തുക എന്നത് പ്രതിപക്ഷ പാര്‍ട്ടികളുടെ ലക്ഷ്യമാറി മാറണമെന്നും തേജസ്വി പറഞ്ഞു. 'മികച്ചൊരു തുടക്കം ബിഹാറില്‍ ഉണ്ടായിട്ടുണ്ട്. മറ്റ് സംസ്ഥാനങ്ങളിലും ഇത് ആവര്‍ത്തിക്കണം. നിതീഷ് കുമാറും ലാലു പ്രസാദ് യാദവും ഞാനും നിരവധി നേതാക്കളോട് സംസാരിക്കുന്നുണ്ട്. സോണിയാ ഗാന്ധി ആശുപത്രിയില്‍നിന്ന് മടങ്ങിയെത്തിയാല്‍ ചര്‍ച്ച നടത്തും'-തേജസ്വി യാദവ് കൂട്ടിച്ചേര്‍ത്തു.
