തിരുവനന്തപുരം: കോക്പിറ്റില് കയറാന് ശ്രമിച്ചതിന് വിമാനത്തില്നിന്ന് ഇറക്കിവിട്ടതിനുപിന്നാലെ നടന് ഷൈന് ടോം ചാക്കോയ്ക്കെതിരെ രൂക്ഷവിമര്ശനവുമായി സെലിബ്രിറ്റി മേക്കപ്പ് ആര്ട്ടിസ്റ്റ് രഞ്ജു രഞ്ജിമാര്. ഷൈന് ടോം ചാക്കോ കോ ആര്ട്ടിസ്റ്റുമാരോട് മോശമായാണ് പെരുമാറുന്നതെന്നും നടന്റെ പ്രവര്ത്തികള് കാരണം ഒന്പതുമണിക്ക് തീരേണ്ട സീനുകള് പുലര്ച്ചെ അഞ്ചുമണിവരെ നീണ്ടുപോയിട്ടുണ്ടെന്നും രഞ്ജു രഞ്ജിമാര് പറഞ്ഞു. റിപ്പോര്ട്ടര് ടിവി 'എഡിറ്റേഴ്സ് അവര്' ചര്ച്ചയിലായിരുന്നു രഞ്ജു രഞ്ജിമാരുടെ വെളിപ്പെടുത്തല്.
'ഈയൊരു നടന് കാരണം സിനിമാ സെറ്റില് അനുഭവിച്ചുകൊണ്ടിരിക്കുകയാണ്. അദ്ദേഹം കൃത്യസമയത്ത് വരാറില്ല. കൂടെ പ്രവര്ത്തിക്കുന്നവരോട് മോശമായാണ് പെരുമാറുക. ഷോട്ടിനിടയില് ഓടിപ്പോവും. ഒമ്പത് മണിക്ക് തീരേണ്ട സീനുകള് പുലര്ച്ചെ അഞ്ചുവരെ നീണ്ടുപോയിട്ടുണ്ട്. ഞങ്ങള്ക്ക് ഉറക്കമൊഴിച്ച് കാത്തിരിക്കേണ്ടിവരും. കൂടെ അഭിനയിക്കുന്നത് സ്ത്രീയാണെന്ന മാന്യതപോലുമുണ്ടാവില്ല. അല്പ്പവസ്ത്രമിട്ട് ഓടിച്ചാടി കളിക്കും. ഷോട്ട് പറഞ്ഞാല് വരില്ല. സെറ്റില് നിന്നും ഇറങ്ങിയോടും'- രഞ്ജു രഞ്ജിമാര് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സിനിമാ സെറ്റിലെ നടന്മാരുടെ മോശം പെരുമാറ്റം നിയന്ത്രിക്കാന് അസോസിയേഷനുകള് രംഗത്തുവരണമെന്നും രഞ്ജു രഞ്ജിമാര് ആവശ്യപ്പെട്ടു. 'ഇവന്മാരുടെ പേക്കൂത്തുകള് ഇന്ഡസ്ട്രി അറിയുന്നില്ലേ? എന്തൊക്കെയാണ് കാട്ടിക്കൂട്ടുന്നത്. ഇവരെ അസോസിയേഷനുകള് നിയന്ത്രിച്ചില്ലെങ്കില് പ്രമുഖ നടന്മാര് മുന്നിട്ടിറങ്ങണം'- അവര് കൂട്ടിച്ചേര്ത്തു.