തിരുവനന്തപുരം: ഇനിമുതല് സ്കൂളുകളില് അധ്യാപകരെ ലിംഗവ്യത്യാസമില്ലാതെ ടീച്ചര് എന്ന് അഭിസംബോധന ചെയ്യണമെന്ന് ബാലാവകാശ കമ്മീഷന്. അധ്യാപകരെ സര് എന്നും മാഡം എന്നും അഭിസംബോധന ചെയ്യുന്നത് ഒഴിവാക്കണമെന്നും ബാലാവകാശ കമ്മീഷന്റെ ഉത്തരവില് പറയുന്നുണ്ട്. സര്, മാഡം തുടങ്ങിയ പദങ്ങളൊന്നും ടീച്ചര് എന്ന പദത്തിനോ അതിന്റെ സങ്കല്പ്പത്തിനോ തുല്യമാവില്ലെന്നും ലിംഗ സമത്വം സംരക്ഷിക്കാന് ടീച്ചര് എന്ന് വിളിക്കുന്നതാണ് നല്ലതെന്നും ഉത്തരവില് പറയുന്നു.
നിര്ദേശം നടപ്പിലാക്കാന് സംസ്ഥാനത്തെ മുഴുവന് വിദ്യാഭ്യാസ സ്ഥാപനങ്ങളോടും ആവശ്യപ്പെടണമെന്ന് പൊതുവിദ്യാഭ്യാസ ഡയറക്ടറോട് ബാലാവകാശ കമ്മീഷന് ആവശ്യപ്പെട്ടു. പാലക്കാട് സ്വദേശിയായ ഒരു വിദ്യാര്ത്ഥിയുടെ പരാതിയില് കമ്മീഷന് ചെയര്പേഴ്സണ് കെ വി മനോജ് കുമാര്, കമ്മീഷന് അംഗം സി വിജയകുമാര് എന്നിവരുടെ ഡിവിഷന് ബെഞ്ചാണ് ഉത്തരവിട്ടത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നേരത്തെ വിദ്യാര്ത്ഥികളുടെ അന്തസിനും അഭിമാനത്തിനും ക്ഷതമുണ്ടാക്കുന്ന തരത്തിലുളള ദേഹപരിശോധനയും ബാഗ് പരിശോധനയും നിരോധിക്കണമെന്ന് ബാലാവകാശ കമ്മീഷന് ഉത്തരവിട്ടിരുന്നു. കുട്ടികള് മൊബൈല് ഉപയോഗിച്ചാല് ആകാശം ഇടിഞ്ഞുവീഴില്ലെന്നും വിദ്യാര്ത്ഥികള്ക്ക് സ്കൂളില് മൊബൈല് കൊണ്ടുവരേണ്ട സാഹചര്യമുണ്ടായാല് അത് ഓഫാക്കി സൂക്ഷിക്കാന് അധ്യാപകര് സൗകര്യമൊരുക്കണമെന്നും കമ്മീഷന് പറഞ്ഞിരുന്നു.