അനില്‍ ആന്റണിയുടെ ബിജെപി പ്രവേശനത്തെക്കുറിച്ച് എ കെ ആന്റണി വളരെ വൈകാരികമായാണ് പ്രതികരിച്ചത്. ബിജെപിയില്‍ ചേരാനുളള അനിലിന്റെ തീരുമാനം വളരെയധികം വേദനയുണ്ടാക്കിയെന്നും മകന്റെ തീരുമാനം തെറ്റായിപ്പോയെന്നും എ കെ ആന്റണി ഇന്നലെ വാര്‍ത്താസമ്മേളനത്തില്‍ പറഞ്ഞിരുന്നു. താന്‍ ജീവിതത്തിന്റെ അവസാന നാളുകളിലാണ് ഇപ്പോഴുളളതെന്നും മരിക്കുമ്പോഴും ഇന്ത്യന്‍ നാഷണല്‍ കോണ്‍ഗ്രസിന്റെ പ്രവര്‍ത്തകനായിരിക്കുമെന്നും എ കെ ആന്റണി പറഞ്ഞിരുന്നു. ഇപ്പോഴിതാ ആന്റണിക്കൊപ്പമുണ്ടെന്ന് വ്യക്തമാക്കിയിരിക്കുകയാണ് കെപിസിസി വൈസ് പ്രസിഡന്റ് വി ടി ബല്‍റാം. ഫേസ്ബുക്കിലൂടെയാണ് വി ടി ബല്‍റാം ആന്റണിക്ക് പിന്തുണ പ്രഖ്യാപിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'എന്റെ ജീവിതത്തിന്റെ അവസാന നാളുകളിലേക്കാണ് ഞാന്‍ കടന്നുപോകുന്നത്. എനിക്ക് വയസ് 82 ആയി. എത്രനാള്‍ ജീവിച്ചിരിക്കുമെന്ന് അറിയില്ല. ദീര്‍ഘായുസില്‍ എനിക്ക് താല്‍പ്പര്യവുമില്ല. പക്ഷെ, എത്രനാള്‍ ജീവിച്ചാലും ഞാന്‍ മരിക്കുന്നത് ഇന്ത്യന്‍ നാഷണല്‍ കോണ്‍ഗ്രസിന്റെ പ്രവര്‍ത്തകനായിട്ടായിരിക്കും'. സത്യസന്ധമായ ഈ വാക്കുകളെ ആദരിക്കുന്നു. ഒരു പിതാവ് എന്ന നിലയില്‍ താങ്കളിപ്പോള്‍ അനുഭവിക്കുന്ന ഹൃദയവേദനയെ പൂര്‍ണമായി മനസിലാക്കുകയും ചെയ്യുന്നു. മതനിരപേക്ഷതയുടെ വിഷയത്തില്‍ സ്വജീവിതത്തില്‍ ഇന്നേവരെ വിട്ടുവീഴ്ച്ച ചെയ്തിട്ടില്ലാത്ത പ്രിയ നേതാവ് എ കെ ആന്റണിക്കൊപ്പം'- വി ടി ബല്‍റാം ഫേസ്ബുക്കില്‍ കുറിച്ചു.
