തിരുവനന്തപുരം: കാട്ടാക്കട ക്രിസ്ത്യന് കോളേജിലെ എസ് എഫ് ഐ ആള്മാറാട്ടം ഒറ്റപ്പെട്ട സംഭവമാണെന്ന് ഉന്നത വിദ്യാഭ്യാസ വകുപ്പ് മന്ത്രി ആര് ബിന്ദു. വിദ്യാഭ്യാസ യൂണിയനുകളിലേക്കുളള തെരഞ്ഞെടുപ്പ് സുതാര്യമായാണ് നടന്നുവരുന്നതെന്നും ഒറ്റപ്പെട്ട സംഭവത്തിന്റെ പേരില് കാടടച്ച് വെടിവയ്ക്കുന്നത് ശരിയല്ലെന്നും മന്ത്രി പറഞ്ഞു. യൂണിയന്റെ ബലത്തില് പലരും നിയമം കയ്യിലെടുക്കുകയാണെന്ന ഗവര്ണര് ആരിഫ് മുഹമ്മദ് ഖാന്റെ പരാമര്ശത്തിനായിരുന്നു ആര് ബിന്ദുവിന്റെ മറുപടി.
'ക്രിസ്ത്യന് കോളേജില് നടന്ന സംഭവത്തിന്റെ ഉത്തരവാദിത്തം പ്രിന്സിപ്പാള്ക്കാണ്. വിദ്യാര്ത്ഥിയുടെ വാക്കുകേട്ട് പ്രിന്സിപ്പാള് അങ്ങനെ ചെയ്യാന് പാടില്ലായിരുന്നു. സര്വ്വകലാശാലകളില് സുതാര്യമായാണ് തെരഞ്ഞെടുപ്പ് നടക്കുന്നത്. യൂണിയനുകള് ശ്രദ്ധേയമായ പ്രവര്ത്തനങ്ങളാണ് കാഴ്ച്ചവയ്ക്കുന്നത്. മറിച്ചുളള പ്രചാരണങ്ങള്ക്ക് യാതൊരു അടിസ്ഥാനവുമില്ല. ഇക്കാര്യത്തില് കാടടച്ച് വെടിവയ്ക്കുന്നത് ശരിയല്ല. ശക്തമായ നടപടി സ്വീകരിക്കാന് ഉന്നതവിദ്യാഭ്യാസവകുപ്പ് സര്വ്വകലാശാലയ്ക്ക് നിര്ദേശം നല്കിയിട്ടുണ്ട്'- ആര് ബിന്ദു പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കാട്ടാക്കട കോളേജിലെ ആള്മാറാട്ടത്തില് ഗവര്ണര് കേരളാ സര്വ്വകലാശാലയോട് റിപ്പോര്ട്ട് തേടിയിട്ടുണ്ട്. ആള്മാറാട്ടം ഭീകരമായ അവസ്ഥയാണെന്നും കേരളത്തില് തുടര്ച്ചയായി നിയമലംഘനങ്ങളുണ്ടാവുകയാണെന്നും അദ്ദേഹം കുറ്റപ്പെടുത്തി. സര്വ്വകലാശാലയുടെ വിശദീകരണം ലഭിച്ചതിനുശേഷം തുടര്നടപടികളെടുക്കുമെന്നും ഗവര്ണര് പറഞ്ഞു.