ഭുവനേശ്വര്: ഒഡിഷയില് വീണ്ടും ട്രെയിന് അപകടം. ബര്ഗഡിലാണ് ഗുഡ്സ് ട്രെയിനിന്റെ അഞ്ച് ബോഗികളാണ് പാളം തെറ്റിയത്. ആര്ക്കും പരിക്കില്ലെന്നാണ് പ്രാഥമിക വിവരം. ഇന്ന് (തിങ്കള്) രാവിലെയാണ് സംഭവം. ഖനനം നടക്കുന്ന പ്രദേശത്താണ് അപകടം ഉണ്ടായത്. ഇവിടെ നിന്നും ചരക്കുമായി പോയ തീവണ്ടിയാണ് പാളം തെറ്റിയത്. സ്വകാര്യ കമ്പനിയുടെ ഉടമസ്ഥതയിലുള്ള റെയിവേ ലൈനിലാണ് അപകടം. സംഭവസ്ഥലത്തെത്തി പൊലീസ് അന്വേഷണം ആരംഭിച്ചു.
കഴിഞ്ഞ ദിവസം ഒഡിഷയിലെ ബാലസോറില് ഉണ്ടായ ട്രെയിന് അപകടത്തില് 288 പേര്ക്ക് ജീവന് നഷ്ടമായി. 1100 ലേറെ പേര്ക്ക് പരിക്കേറ്റിട്ടുണ്ട്. നിരവധി പേരുടെ നില അതീവഗുരുതരമായി തുടരുയാണ്. ഒരേസമയം മൂന്ന് ട്രെയിനുകള് അപകടത്തില്പ്പെട്ടതാണ് വലിയ ദുരന്തത്തിന് വഴിയൊരുക്കിയത്. ഷാലിമാര് -ചെന്നൈ കോറമാണ്ഡല് എക്സ്പ്രസ്, യശ്വന്ത് പൂര് ഹൗറ എക്സ്പ്രസ്, എന്നീ ട്രെയിനുകള്ക്കൊപ്പം ഒരു ചരക്ക് ട്രെയിനുമാണ് അപകടത്തില്പ്പെട്ടത്. ഇതിനുപിന്നാലെയാണ് സംസ്ഥാനത്ത് വീണ്ടും ട്രെയിന് അപകടമുണ്ടാകുന്നത്.