മുംബൈ: ഓഹരി വിപണിയില്‍ എം ആര്‍ എഫിന്‍റെ ഓഹരി വില കുത്തനെ ഉയര്‍ന്ന് റെക്കോര്‍ഡിട്ടു. ഒരുലക്ഷത്തി മുന്നൂറ് രൂപയാണ് ഇന്ന് ഓഹരിയൊന്നിന് എം ആര്‍ എഫിന്‍റെ വിപണി മൂല്യം. ആദ്യമായാണ്‌ ഒരു ഇന്ത്യന്‍ കമ്പനി ഈ നേട്ടമുണ്ടാക്കുന്നത്. ഇന്നത്തെ (ചൊവ്വ) വ്യാപാര സമയത്താണ് എം ആര്‍ എഫിന്‍റെ ഓഹരി വില 1. 37 ശതമാനം ഉയര്‍ന്ന് റെക്കോര്‍ഡിട്ടത്.
ഏറ്റവുമധികം ഓഹരി മൂല്യമുള്ള രണ്ടാമത്തെ കമ്പനി ഹണിവെല്‍ ഓട്ടോമേഷനാണ്. നാല്പ്പത്തിയോരായിരത്തി ഒരുന്നൂറ്റി അമ്പത്തിരണ്ട് രൂപയാണ് ഹണിവെല്‍ ഓട്ടോമേഷന്‍റെ ഓഹരി വില. ശ്രീ സമന്‍റ്, പേജ് ഇന്‍റസ്ട്രീസ്, ത്രീ എം ഇന്ത്യ, ബോഷ്, നെസ്ലെ, അബോട്ട്‌ ഇന്ത്യ തുടങ്ങിയ കമ്പനികളാണ് രാജ്യത്ത് ഏറ്റവും ഉയര്‍ന്ന ഓഹരി മൂല്യമുള്ള മറ്റ് കമ്പനികള്‍.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
രാജ്യത്തെ പ്രമുഖ ടയര്‍ നിര്‍മ്മാണ കമ്പനിയാണ് എം ആര്‍ എഫ്. ലിക്വിഡിറ്റി ഉറപ്പാക്കാനായി സാധാരണ രീതിയില്‍ കമ്പനികള്‍ ഓഹരി വിഭജിക്കാറുണ്ട്. എന്നാല്‍ ഇതുവരെ ഓഹരി വിഭജിക്കാത്ത കമ്പനിയാണ് എം ആര്‍ എഫ്. അക്കാരണത്താലാണ് ഈ വലിയ നേട്ടം കൈവരിക്കാന്‍ എം ആര്‍ എഫിന് കഴിഞ്ഞത് എന്നാണ് വിലയിരുത്തല്‍.
