കണ്ണൂര്: മിത്ത് വിവാദം തുടരുന്നതിനിടെ എന്എസ്എസ് ജനറല് സെക്രട്ടറി സുകുമാരന് നായരെ പരിഹസിച്ച് സിപിഎം നേതാവ് പി ജയരാജന്. സുകുമാരന് നായരുടെ നെറ്റിയിലെ പൊട്ട് വിശ്വാസവും മൂക്കിലെ കണ്ണട ശാസ്ത്രവുമാണെന്ന് പി ജയരാജന് പറഞ്ഞു. മിത്ത് വിവാദത്തില് സിപിഎം പറഞ്ഞതൊന്നും തിരുത്തിയിട്ടില്ലെന്നും പാര്ട്ടി സെക്രട്ടറി എം വി ഗോവിന്ദന് വ്യക്തമാക്കിയതിനപ്പുറം ഈ വിഷയത്തില് ഒന്നും പറയാനില്ലെന്നും പി ജയരാജന് കൂട്ടിച്ചേര്ത്തു. അതേസമയം, എ എന് ഷംസീര് സ്പീക്കര് സ്ഥാനത്ത് തുടരാന് അര്ഹനല്ലെന്ന് ജി സുകുമാരന് നായര് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സ്പീക്കര് മിത്ത് പരാമര്ശം പിന്വലിച്ച് മാപ്പുപറയണമെന്നും അല്ലാത്ത പക്ഷം സംസ്ഥാന സര്ക്കാര് സ്പീക്കര്ക്കെതിരെ യുക്തമായ നടപടിയെടുക്കണമെന്നുമാണ് സുകുമാരന് നായരുടെ ആവശ്യം. സര്ക്കാര് നടപടിയെടുത്തില്ലെങ്കില് നിയമനടപടിയുമായി മുന്നോട്ടുപോകുമെന്നും അദ്ദേഹം വ്യക്തമാക്കി. സ്പീക്കറുടെ വിശദീകരണം ഉരുണ്ടുകളിയാണെന്നാണ് എന്എസ്എസിന്റെ വിലയിരുത്തല്.