തിരുവനന്തപുരം: ഉമ്മന്ചാണ്ടിക്ക് ലഭിച്ച മരണാനന്തര ബഹുമതിയാണ് പുതുപ്പളളി ഉപതെരഞ്ഞെടുപ്പിലെ യുഡിഎഫ് സ്ഥാനാര്ത്ഥിയുടെ വിജയമെന്ന് സിപിഎം നേതാവ് എഎ റഹീം എംപി. മരണാനന്തര ബഹുമതിയെ രാഷ്ട്രീയ വിജയമായാണ് കോണ്ഗ്രസ് കാണുന്നതെന്നും അത് അവരുടെ രാഷ്ട്രീയ അല്പ്പത്തരമാണെന്നും റഹീം പറഞ്ഞു. മീഡിയാ വണ്ണിനോടായിരുന്നു അദ്ദേഹത്തിന്റെ പ്രതികരണം.
'മരണാനന്തര ബഹുമതിയാണ് യഥാര്ത്ഥത്തില് പുതുപ്പളളിയില് ഉമ്മന്ചാണ്ടിക്ക് കിട്ടിയത്. മരണാനന്തര ബഹുമതിയെ രാഷ്ട്രീയ ബഹുമതിയായി ആഘോഷിക്കുന്ന അല്പ്പത്തരമാണ് കോണ്ഗ്രസിപ്പോള് കാണിക്കുന്നത്. അപ്പാ അപ്പാ അപ്പാ എന്ന ഒറ്റ മന്ത്രമായിരുന്നു ചാണ്ടി ഉമ്മന്. അദ്ദേഹത്തിന്റെ തെരഞ്ഞെടുപ്പ് രീതി അതായിരുന്നു. അതുപയോഗിച്ചാണ് യുഡിഎഫ് ജയിച്ചത്. അതെങ്ങനെയാണ് ഒരു അത്ഭുതമായി പറയുക ? ഉമ്മന്ചാണ്ടി എന്ന ഘടകം മാറ്റിവെച്ച് പുതിയ സ്ഥാനാര്ത്ഥിയെ മത്സരിപ്പിച്ചാണ് വിജയിച്ചതെങ്കില് പറയാം. ഇന്ത്യന് നാഷണല് കോണ്ഗ്രസ് പോലൊരു പാര്ട്ടിക്ക് ഒരു വിജയം ആഘോഷിക്കണമെങ്കില് ഒരാള് മരിക്കണം എന്ന് വന്നിരിക്കുന്നു'- എഎ റഹീം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ചാണ്ടി ഉമ്മന്റെ വിജയം ലോകം കീഴടക്കിയ സംഭവം പോലെ വാര്ത്തയാക്കാന് ശ്രമം നടക്കുന്നുവെന്ന് കഴിഞ്ഞ ദിവസം മന്ത്രി മുഹമ്മദ് റിയാസും പറഞ്ഞിരുന്നു. 'ലോകം കീഴടക്കിയ സംഭവം പോലെ വാര്ത്തയാക്കാനുളള ശ്രമമാണ് നടക്കുന്നത്. അതിനു പിന്നില് വ്യക്തമായ രാഷ്ട്രീയമുണ്ട്. കേരളത്തില് എല്ലാ തെരഞ്ഞെടുപ്പുകളും കഴിഞ്ഞെന്ന രീതിയിലാണ് പ്രചാരണം. കേരളത്തിലെ എല്ഡിഎഫ് ആകെ ദുര്ബലപ്പെട്ടെന്നും സര്ക്കാര് ആകെ പ്രയാസത്തിലാണെന്നുമൊക്കെ വരുത്തിത്തീര്ക്കാനാണ് ശ്രമം. എല്ലാ കാലത്തും ഇത്തരം പ്രചാരണങ്ങള് നടന്നിട്ടുണ്ട്'- എന്നാണ് മുഹമ്മദ് റിയാസ് പറഞ്ഞത്.