ഡീസൽ വാഹനങ്ങൾക്ക് പത്ത് ശതമാനം ജിഎസ്ടി വർധനയ്ക്ക് ശുപാർശ ചെയ്യുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി. 10 ശതമാനം മലിനീകരണ നികുതി ചുമത്താന് ധനമന്ത്രാലയത്തോട് അഭ്യര്ത്ഥിക്കും. ഡീസല് വാഹന ഉപയോഗം കുറച്ച് മലിനീകരണം തടയുന്നതിനും ഇന്ത്യൻ നിരത്തുകളിൽ കൂടുതൽ ഇലക്ട്രിക് വാഹനങ്ങൾ അവതരിപ്പിക്കുന്നതിനുമുള്ള നീക്കത്തിന്റെ ഭാഗമായാണ് നടപടി. ഡീസൽ വളരെ അപകടകരമായ ഇന്ധനമാണ്. ഇതിൽ നിന്നുള്ള വേഗത്തിലുള്ള പരിവർത്തനമാണ് രാജ്യം ആഗ്രഹിക്കുന്നത് എന്ന് ഗഡ്കരി പറഞ്ഞു.
രാജ്യത്ത് 2027ഓടെ ഡീസല് വാഹനങ്ങള് നിരോധിക്കാന് കേന്ദ്ര പെട്രോളിയം മന്ത്രാലയം നേരത്തേ നിര്ദേശം നല്കിയിരുന്നു. 2017 സാമ്പത്തിക വര്ഷത്തില് ഡീസല് കാര് വില്പന 40 ശതമാനം ആയിരുന്നു. 2021 സാമ്പത്തിക വര്ഷത്തില് ഇത് 17 ശതമാനമായും കുറയുകയും ചെയ്തു. പെട്രോള് വിലയേക്കാള് ഡീസലിന് 20-25 രൂപ കുറഞ്ഞതാണ് നേരത്തെ ഡീസല് കാറുകളുടെ വലിയ വില്പ്പനയ്ക്ക് കാരണം ആയിരുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡീസൽ ഉപയോഗം കുറക്കാൻ ഓട്ടോമൊബൈൽ കമ്പനികൾ തന്നെ മുൻകൈയെടുക്കണം. ഡീസലിനോട് വിട പറഞ്ഞ് അവ നിർമിക്കുന്നത് നിർത്തണം. അല്ലാത്തപക്ഷം, ഡീസൽ വാഹനങ്ങളുടെ വിൽപന കുറക്കാനായി സർക്കാർ നികുതി വർധിപ്പിക്കും എന്നാണ് കേന്ദ്ര ഗതാഗതമന്ത്രി ഇപ്പോള് വ്യക്തമാക്കിയിരിക്കുന്നത്.