കൊച്ചി: നടന് അലന്സിയറിന്റെ സ്ത്രീവിരുദ്ധ പരാമര്ശത്തില് പ്രതികരണവുമായി തൃക്കാക്കര എംഎല്എ ഉമാ തോമസ്. പ്രതിമ കണ്ടാല് പ്രലോഭനമെങ്കില് സ്ത്രീയെ കണ്ടാല് എന്ത് തോന്നുമെന്നാണ് ഉമാ തോമസ് ചോദിക്കുന്നത്. അലന്സിയറിന്റെ പരാമര്ശം വില കുറഞ്ഞതും സ്ത്രീയെ അപമാനിക്കുന്നതുമാണെന്ന് ഉമാ തോമസ് പറഞ്ഞു. സംസ്ഥാന ചലച്ചിത്ര പുരസ്കാര വേദിയിലാണ് അലന്സിയര് സ്ത്രീവിരുദ്ധ പരാമര്ശം നടത്തിയത്. പെണ് പ്രതിമ തന്ന് ഞങ്ങളെ പ്രലോഭിപ്പിക്കരുത്, ഇനിയെങ്കിലും ആണ്കരുത്തുളള മുഖ്യമന്ത്രി ഭരിക്കുന്നിടത്ത് ആണ്കരുത്തുളള ശില്പ്പം വേണം. ആണ്കരുത്തുളള പ്രതിമ എന്ന് വാങ്ങുന്നുവോ അന്ന് ഞാന് അഭിനയം നിര്ത്തും'-എന്നാണ് അലന്സിയര് പറഞ്ഞത്.
അലന്സിയര്ക്കെതിരെ വിമര്ശനവുമായി മന്ത്രിമാരായ ജെ ചിഞ്ചുറാണി, ആര് ബിന്ദു, സജി ചെറിയാന്, വി ശിവന്കുട്ടി തുടങ്ങിയവരും രംഗത്തെത്തിയിരുന്നു. അലന്സിയറുടെ പ്രസ്താവന അപലപനീയവും സാംസ്കാരിക കേരളത്തിന് നിരക്കാത്തതുമാണെന്ന് മന്ത്രി ചിഞ്ചുറാണി പറഞ്ഞു. മനസില് ഒളിഞ്ഞിരിക്കുന്ന സ്ത്രീവിരുദ്ധത സ്ഥലകാല ബോധമില്ലാതെ പുറത്തുവന്നതാണെന്നും സ്ത്രീപക്ഷ കാഴ്ച്ചപ്പാട് മുന്നോട്ടുവെച്ചാണ് സ്ത്രീയുടെ രൂപം ആലേഖനം ചെയ്ത പ്രതിമ നല്കുന്നത്, അനുചിതമായ പ്രസ്താവന പിന്വലിച്ച് അലന്സിയര് മാപ്പുപറയണമെന്നും ചിഞ്ചുറാണി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അലന്സിയറിന്റെ പരാമര്ശം പുരുഷാധിപത്യ ബോധത്തിന്റെ ബഹിസ്ഫുരണമാണെന്ന് മന്ത്രി ആര് ബിന്ദു പറഞ്ഞു. അത്തരമൊരു വേദിയില് അങ്ങനൊരു പരാമര്ശം ഉണ്ടാവാന് പാടില്ലായിരുന്നെന്നും നിരന്തര ബോധവത്കരണത്തിലൂടെ മാത്രമേ പുരുഷാധിപത്യ ബോധം മാറ്റിയെടുക്കാനാവുകയുളളുവെന്നും മന്ത്രി പറഞ്ഞു. അലന്സിയറിന്റെ പരാമര്ശം സ്ത്രീവിരുദ്ധമാണെന്നും അത്തരം നിലപാടുകളെ തികഞ്ഞ അവജ്ഞയോടെ തളളിക്കളയണമെന്നും സാംസ്കാരിക മന്ത്രി സജി ചെറിയാന് പറഞ്ഞു. എല്ലാവരും ബഹുമാനിക്കുന്ന അവാര്ഡാണ് ചലച്ചിത്ര പുരസ്കാരമെന്നും ഉന്നതസ്ഥാനങ്ങളിലിരിക്കുന്നവര് പറയുന്ന വാക്കുകളില് സൂഷ്മത പുലര്ത്തണമെന്നുമാണ് മന്ത്രി വി ശിവന്കുട്ടി പറഞ്ഞത്.