ഡല്ഹി: നടനും മുന് രാജ്യസഭാംഗവുമായ സുരേഷ് ഗോപിയെ സത്യജിത് റായ് ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ടിന്റെ അധ്യക്ഷനായി നിയമിച്ചതില് വിയോജിപ്പ് രേഖപ്പെടുത്തി സ്റ്റുഡന്റ്സ് യൂണിയന്. സുരേഷ് ഗോപിയെ അധ്യക്ഷനാക്കാനുളള തീരുമാനം ആശങ്കാജനകമാണ്. ഹിന്ദുത്വ രാഷ്ട്രീയം പിന്തുടരുന്ന സുരേഷ് ഗോപി ബിജെപിയുടെ സജീവ നേതാവാണ്. ഏതെങ്കിലും രാഷ്ട്രീയ പാര്ട്ടിയുമായി അടുത്ത് പ്രവര്ത്തിക്കുന്ന ഒരാള് ഉന്നത പദവിയില് ഇരിക്കുന്നത് സ്ഥാപനം ഉയര്ത്തിപ്പിടിച്ച നിഷ്പക്ഷതയിലും കലാപരമായ സ്വാതന്ത്ര്യത്തിലും വിട്ടുവീഴ്ച്ച ചെയ്തേക്കുമെന്ന ആശങ്കയുണ്ടെന്നും വിദ്യാര്ത്ഥി യൂണിയന് പുറത്തിറക്കിയ പ്രസ്താവനയില് പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ്യത്തിന്റെ മതേതരത്വത്തിന് ഭീഷണിയാവുന്ന പ്രസ്താവനകള് സുരേഷ് ഗോപി നടത്തിയിട്ടുണ്ടെന്നും അദ്ദേഹത്തിന്റെ നിയമനം സ്ഥാപനത്തിന്റെ കീര്ത്തി നഷ്ടപ്പെടുത്തുമെന്നും സ്റ്റുഡന്റ്സ് യൂണിയന് പറയുന്നു. അതേസമയം, ഫിലിം ഇന്സ്റ്റിറ്റ്യൂട്ട് അധ്യക്ഷ സ്ഥാനം സുരേഷ് ഗോപി ഏറ്റെടുക്കില്ലെന്നും റിപ്പോര്ട്ടുണ്ട്. നിയമനത്തെക്കുറിച്ച് പാര്ട്ടി കേന്ദ്ര നേതൃത്വം മുന്കൂട്ടി അറിയിക്കാത്തതില് സുരേഷ് ഗോപിക്ക് അമര്ഷമുണ്ടെന്നാണ് അദ്ദേഹവുമായി അടുത്ത വൃത്തങ്ങള് പറയുന്നത്. വിഷയത്തില് സുരേഷ് ഗോപി നേരിട്ട് പ്രതികരിച്ചിട്ടില്ല. ഇന്നലെ വൈകുന്നേരം കേന്ദ്രമന്ത്രി അനുരാഗ് ഠാക്കൂറാണ് സുരേഷ് ഗോപിയെ സത്യജിത് റായ് ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ട് ചെയര്മാനായി നിയമിച്ച കാര്യം പ്രഖ്യാപിച്ചത്.