സെർവർ തകരാർ മൂലം സംസ്ഥാനത്ത് റേഷൻ വിതരണം നിലച്ചു. പ്രശ്നം പരിഹരിച്ചില്ലെങ്കിൽ നാളെ മുതൽ കടകൾ അടച്ചിടുമെന്ന് റേഷൻ വ്യാപാരികൾ അറിയിച്ചു. സെർവർ തകരാർ മൂലം റേഷൻകടകളിലെ ഇ പോസ് മെഷീനുകൾ തകരാറായതോടെയാണ് റേഷൻ കടകൾ പ്രവർത്തനം അവതാളത്തിലായത്. നെറ്റ് വർക്ക് പ്രശ്നങ്ങളും ചിലയിടങ്ങളിൽ റേഷൻ കടകളുടെ പ്രവർത്തനത്തെ ബാധിച്ചു. ഇ പോസ് മെഷീനുകൾ പ്രവർത്തിക്കാത്തിടത്ത് ഒടിപി നമ്പർ ഉപയോഗിച്ച് ഇടപാടുകൾ നടത്താമെന്ന് സിവിൽ സ്പ്ലൈസ് വകുപ്പ് റേഷൻ ഉടമകളോട് നിർദ്ദേശിച്ചിരുന്നു. ഒടിപി കൃത്യമായി ലഭിക്കാത്തത് ഈ സംവിധാനത്തെയും പ്രശ്നത്തിലാക്കി. പ്രശ്നം പരിഹരിക്കാത്തതിൽ പ്രതിഷേധിച്ച് ഉച്ചക്ക് ശേഷം റേഷൻ വ്യാപാരികൾ കടകൾ അടച്ചു. തിങ്കളാഴ്ച മുതൽ റേഷൻ കടകൾ അനിശ്ചതകാലത്തേക്ക് അടക്കുമെന്ന് റേഷൻ ഡീലേഴ്സ് അസോസിയേഷൻ വ്യക്തമാക്കി.
സെർവർ തകരാർ മൂലം സംസ്ഥാനത്ത് റേഷൻ വിതരണം നിലച്ചു