തിരുവനന്തപുരം: സംസ്ഥാനത്ത് ഓണക്കിറ്റുവിതരണം സജീവമായി. കാര്ഡുകളുടെ നിറം, കാര്ഡ് നമ്പര് എന്നിവ അനുസരിച്ചാണ് കിറ്റ് വിതരണം നടക്കുന്നത്. നീല, വെള്ള, പിങ്ക് എന്നിങ്ങനെ കാര്ഡുകള്ക്ക് വ്യത്യസ്ത ദിവസങ്ങളിലാണ് വിതരണം. ഇതനുസരിച്ചു നാളെമുതല് പിങ്ക് കാര്ഡുകാര്ക്ക് ഓണക്കിറ്റ് വിതരണം ചെയ്യും. കാര്ഡുടമകള് കഴിഞ്ഞ മാസം റേഷന് വാങ്ങിയ റേഷന് കടയില് നിന്ന് തന്നെയാണ് ഓണക്കിറ്റ് വങ്ങേണ്ടത്.
1. ആഗസ്ത് 20 (നാളെ): റേഷൻ കാർഡിന്റെ നമ്പർ പൂജ്യത്തിൽ അവസാനിക്കുന്ന കാർഡുടമകൾക്ക് കിറ്റ് ലഭിക്കും.
2. വെള്ളിയാഴ്ച (ആഗസ്ത് 21 ന്) 1, 2 അക്കങ്ങളിൽ അവസാനിക്കുന്ന റേഷൻ കാർഡുകൾക്കാണ് വിതരണം.
3. ശനിയാഴ്ച (ആഗസ്ത് 22ന്) 3, 4, 5 അക്കങ്ങളിൽ അവസാനിക്കുന്ന കാർഡുകൾക്ക് ഓണകിറ്റ് ലഭിക്കും.
4. തിങ്കളാഴ്ച (ആഗസ്ത് 24ന്) 6, 7, 8, 9 അക്കങ്ങളിൽ അവസാനിക്കുന്ന കാർഡുകൾക്കും കിറ്റ് ലഭിക്കുമെന്ന് ഭക്ഷ്യ-പൊതു വിതരണ സെക്രട്ടറി അറിയിച്ചു.