ഡല്‍ഹി: രാജ്യത്ത് കൊവിഡ് വ്യാപനം നിയന്ത്രണവിധേയമാകാത്തതിനാല്‍ പാർലമെന്റിന്റെ ശൈത്യകാല സമ്മേളനം ഒഴിവാക്കുന്നതായി കേന്ദ്ര സർക്കാർ അറിയിച്ചു. എല്ലാ രാഷ്ട്രീയ പാർട്ടികളും സെഷൻ റദ്ദാക്കുന്നതിനെ അനുകൂലിച്ചുവെന്ന് പാർലമെന്ററി കാര്യമന്ത്രി പ്രൽ‌ഹാദ് ജോഷി പറഞ്ഞു. ജനുവരിയിലാണ് അടുത്ത സമ്മേളനം നക്കുക.
എന്നാല്‍, വിവാദമായ പുതിയ കാർഷിക നിയമങ്ങളെക്കുറിച്ച് ചർച്ച ചെയ്യാൻ ഉടന്‍ പാർലമെന്റ് വിളിച്ചു ചേര്‍ക്കണമെന്ന് കോൺഗ്രസ് നേതാവ് ആദിർ രഞ്ജൻ ചൗധരിയടക്കം ആവശ്യപ്പെട്ടിരുന്നു. പക്ഷെ, എല്ലാ പാർട്ടികളുടെയും നേതാക്കളുമായി താൻ ചർച്ച നടത്തിയിട്ടുണ്ടെന്നും സമ്മേളനം ഒഴിവാക്കുന്ന കാര്യത്തില്‍ ആരും എതിര്‍പ്പ് പ്രകടിപ്പിച്ചില്ലെന്നും പ്രൽ‌ഹാദ് ജോഷി വ്യക്തമാക്കി.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
പാർലമെന്റിന്റെ അടുത്ത സമ്മേളനം എത്രയും വേഗം നടത്താൻ സർക്കാർ തയ്യാറാണ് എന്നും ജോഷി പറഞ്ഞു. ആറുമാസത്തിനുള്ളിൽ പാർലമെന്റ് യോഗം ചേരണമെന്നാണ് ഇന്ത്യന്‍ ഭരണഘടന അനുശാസിക്കുന്നത്. പറയുന്നു. ഫെബ്രുവരി ഒന്നിന് നടക്കേണ്ട ബജറ്റ് പ്രഖ്യാപനത്തിന് മുന്നോടിയായി ജനുവരി അവസാന വാരത്തിലാണ് ഇനി ബജറ്റ് സെഷൻ ആരംഭിക്കുക.
