കൊറോണക്ക് ഒറ്റമൂലിയുമായി വീണ്ടും ബിജെപി നേതാവ്. ഹോളി ആഘോഷത്തിന്റെ ഭാഗമായി തീക്കുണ്ഡം ഉണ്ടാക്കി പശുവിൻ നെയ്യ്, വേപ്പില എന്നിവ സമർപ്പിച്ചാൽ കൊറോണ പമ്പ കടക്കുമെന്നാണ് ബിജെപി നേതാവിന്റെ കണ്ടുപിടുത്തം. ഗുജറാത്ത് മുഖ്യമന്ത്രി വിജയ് രൂപാണിയുടേതാണ് ഇത്തവണത്തെ ഉപദേശം.
ഹോളി ആഘോഷങ്ങള്ക്ക് പശുവിന് നെയ്യ്, വേപ്പില, കര്പ്പൂരം, മരക്കറ, കടുക് എന്നിവ അടക്കമുളളവ ഉപയോഗിച്ചാൽ അന്തരീക്ഷം മാലിന്യമുക്തമാകുമെന്നും ഇതുവഴി കൊറോണ വൈറസ് ഉൾപ്പെടെയുള്ളവയെ തുരത്താനാകുമെന്നുമാണ് ഗുജറാത്ത് മുഖ്യമന്ത്രി പറയുന്നത്. കൊറോണ വൈറസ് ബാധയുടെ പശ്ചാത്തലത്തിലാണ് രൂപാണിയുടെ പ്രതികരണം.
ഹോളി ആഘോഷങ്ങള്ക്ക് പരമ്പരാഗതമായി തേങ്ങ, ഈന്തപ്പഴം, പോപ്പ്കോണ് എന്നിവയാണ് ഗുജറാത്തില് ഉപയോഗിച്ചുവരുന്നത്. ഇവ തീക്കുണ്ഡത്തിലേക്ക് നിക്ഷേപിക്കുന്നതാണ് പതിവ്. ഇതില് നിന്ന് വ്യത്യസ്തമായി പശുവിന് നെയ്യ് ഉള്പ്പെടെയുളള ഉല്പ്പന്നങ്ങള് ഉപയോഗിക്കാനാണ് ഗുജറാത്ത് മുഖ്യമന്ത്രിയുടെ നിര്ദേശം.