ഡല്ഹി: ഡല്ഹി അതിര്ത്തികളില് കുടില്കെട്ടി രാജ്യത്തെ കര്ഷകര്. വരാനിരിക്കുന്ന കടുത്ത വേനലിനെ പ്രതിരോധിക്കാനാണ് കര്ഷകര് ടെന്റുകളില് നിന്ന് വീടുകളിലേക്ക് മാറുന്നത്. സമരത്തിന്റെ ആദ്യഘട്ടത്തില് മിക്ക കര്ഷകരും തങ്ങളുടെ ട്രാക്ടറുകളിലായിരുന്നു കഴിഞ്ഞിരുന്നത് എന്നാല് വിളവെടുപ്പ് കാലം അടുത്തതോടെ ട്രാക്ടറുകള് ഗ്രാമങ്ങളിലേക്ക് തിരിച്ചയക്കേണ്ട അവസ്ഥയാണ്.
ഓരോ വീടും നിര്മ്മിക്കുന്നതിനായി ഇരുപതിനായിരം മുതല് ഇരുപത്തിയയ്യായിരം വരെയാണ് കര്ഷകര്ക്ക് ചിലവാകുന്നത്. നിര്മാണക്കൂലി ഒഴിവാക്കാനായി കര്ഷകര് തന്നെയാണ് വീടുകള് നിര്മിക്കുന്നത്. ലഭ്യമായ വസ്തുക്കളുപയോഗിച്ച് നിര്മാണം പൂര്ത്തിയാക്കുകയാണ് കര്ഷകരുടെ ലക്ഷ്യം.
കൊടുംതണുപ്പിനെയും ഇന്റര്നെറ്റ് നിയന്ത്രണത്തെയുമെല്ലാം പ്രതിരോധിച്ച് സമരം ചെയ്യുന്ന കര്ഷകര് എത്ര വര്ഷങ്ങളെടുത്താലും നിയമങ്ങള് പിന്വലിക്കണമെന്ന ആവശ്യത്തില് നിന്ന് പിന്നോട്ടുപോവില്ലെന്നുളള ദൃഡനിശ്ചയത്തിലാണ്. എന്നാല് പ്രതിഷേധക്കാരും സര്ക്കാരും തമ്മില് നിരവധി തവണ ചര്ച്ചകള് നടന്നിരുന്നെങ്കിലും സമവായത്തിലെത്തിയിട്ടില്ല. സര്ക്കാരിന്റെ ഉപാധികളെല്ലാം തളളിയ കര്ഷകര് നിയമങ്ങള് പിന്വലിക്കണം എന്ന ആവശ്യത്തില് ഉറച്ചുനില്ക്കുകയാണ്. സമരം ശക്തമാക്കുന്നതിന്റെ ഭാഗമായി മാര്ച്ച് 26-ന് രാജ്യവ്യാപകമായി ബന്ദ് നടത്താനും കര്ഷകസംഘടനകള് ആഹ്വാനം ചെയ്തിട്ടുണ്ട്.