റാഞ്ചി: കാലിത്തീറ്റ അഴിമതിയുമായി ബന്ധപ്പെട്ട ഡുംക ട്രഷറി അഴിമതിക്കേസില് ആര്ജെഡി നേതാവ് ലാലു പ്രസാദ് യാദവിന് ജാമ്യം. ജാര്ഖണ്ഡ് ഹൈക്കോടതിയാണ് ജാമ്യം അനുവദിച്ചത്. നേരത്തെ ലാലു പ്രസാദിന്റെ ജാമ്യാപേക്ഷ ഹൈക്കോടതി നിരസിച്ചിരുന്നു. കേസില് ശിക്ഷയുടെ പകുതി കാലയളവ് പൂര്ത്തിയാക്കിയ ശേഷമേ ജാമ്യം അനുവദിക്കാനാവുകയുളളു എന്നായിരുന്നു കോടതി പറഞ്ഞിരുന്നത്.
ലാലു പ്രസാദ് യാദവ് ബിഹാര് മുഖ്യമന്ത്രിയായിരുന്ന 1991- 1996 വര്ഷങ്ങളില് ഡുംക ട്രഷറിയില് നിന്ന് 3.13 കോടി രൂപ പിന്വലിച്ചെന്നായിരുന്നു കേസ്. കാലിത്തീറ്റ കുംഭകോണം അഴിമതിയുമായി ബന്ധപ്പെട്ട മൂന്ന് കേസുകളില് ലാലു പ്രസാദ് യാദവിന് ഇതിനകം ജാമ്യം ലഭിച്ചിട്ടുണ്ട്. ജാമ്യം ലഭിക്കുന്നതുമായി ബന്ധപ്പെട്ട നടപടിക്രമങ്ങള് പൂര്ത്തിയായാലുടന് അദ്ദേഹം ജയില് മോചിതനാവും.
നിലവില് ലാലു പ്രസാദ് യാദവ് ഡല്ഹി എയിംസില് ചികിത്സയിലാണ്. ന്യൂമോണിയ ബാധിച്ച അദ്ദേഹത്തിന്റെ ആന്തരികാവയവങ്ങളുടെ പ്രവര്ത്തനം മന്ദഗതിയിലായതോടെ അദ്ദേഹത്തെ ആശുപത്രിയില് പ്രവേശിപ്പിക്കുകയായിരുന്നു.