വാക്സിനെതിരെ വ്യാജ പ്രചരണം; നടന്‍ മന്‍സൂര്‍ അലി ഖാന് 2 ലക്ഷം രൂപ പിഴയിട്ട് മദ്രാസ് ഹൈക്കോടതി

ചെന്നൈ: കൊവിഡ് വാക്‌സിനെതിരായി വ്യാജ പ്രചരണം നടത്തിയ തമിഴ് നടന്‍ മന്‍സൂര്‍ അലി ഖാന് രണ്ട് ലക്ഷം രൂപ പിഴ വിധിച്ച് മദ്രാസ് ഹൈക്കോടതി. കൊവിഷീല്‍ഡ് വാക്‌സിന്‍ വാങ്ങാനായി ഈ തുക തമിഴ്‌നാട് ആരോഗ്യസെക്രട്ടറിക്ക് കൈമാറണമെന്നും കോടതി ഉത്തരവിട്ടു.

കഴിഞ്ഞ ദിവസം തമിഴ് നടന്‍ വിവേക് മരണപ്പെട്ടത് വാക്‌സിന്‍ സ്വീകരിച്ചതുമൂലമാണെന്നായിരുന്നു മന്‍സൂര്‍ അലി ഖാന്‍ പറഞ്ഞത്. ഏപ്രില്‍ 15-ന് വാക്‌സിന്‍ സ്വീകരിച്ച വിവേക് ഏപ്രില്‍ 16-നാണ് അന്തരിച്ചത്. എന്നാല്‍ വിവേകിന് ഹൃദയാഘാതം സംഭവിച്ചതിനു കാരണം വാക്‌സിന്‍ സ്വീകരിച്ചതല്ലെന്ന് ആശുപത്രി അധികൃതരും തമിഴ്‌നാട് ആരോഗ്യസെക്രട്ടറിയും വ്യക്തമാക്കിയിരുന്നു.

ഇതിനകം മന്‍സൂര്‍ അലി ഖാന്‍ വാക്‌സിനെതിരെ സംസാരിക്കുന്ന വീഡിയോ വൈറലായിരുന്നു. ഇന്ത്യയില്‍ കൊവിഡ് പരിശോധന നിര്‍ത്തലാക്കണം, മാസ്‌ക് ധരിക്കുന്നത് തന്നെ മണ്ടത്തരമാണ്, കൊറോണ എന്നൊരു രോഗം തന്നെയില്ല, മാധ്യമങ്ങള്‍ ഇത്തരം വാര്‍ത്തകള്‍ കൊടുക്കുന്നത് നിര്‍ത്തണം. നിര്‍ബന്ധിച്ച് വാക്‌സിനെടുപ്പിക്കുന്നത് എന്തിനാണെന്ന് മനസിലാവുന്നില്ല. ഇതൊന്നും ചോദിക്കാന്‍ ഈ നാട്ടില്‍ ആരുമില്ല. മനുഷ്യരെ സമാധാനമായി ജീവിക്കാന്‍ അനുവദിക്കണം എന്നൊക്കെയാണ് മന്‍സൂര്‍ അലി ഖാന്‍ മാധ്യമപ്രവര്‍ത്തകരോട് സംസാരിക്കുന്ന വീഡിയോയിലുണ്ടായിരുന്നത്.

ഇതിനെതിരെ ബിജെപി നേതാവ് രാജശേഖരന്‍ ചെന്നൈ പൊലീസ് കമ്മീഷണര്‍ക്ക് പരാതി നല്‍കിയിരുന്നു. കൊവിഡ് വാക്‌സിനെതിരെ താന്‍ ഒരു പരാമര്‍ശവും നടത്തിയിട്ടില്ല. നിര്‍ബന്ധിച്ച് വാക്‌സിനെടുപ്പിക്കുന്നതിനെതിരെയാണ് താന്‍ സംസാരിച്ചതെന്നാണ് മന്‍സൂര്‍ അലി ഖാന്‍റെ വിശദീകരണം.

Contact the author

National Desk

Recent Posts

National Desk 2 weeks ago
National

ജൂണ്‍ രണ്ടിന് ജയിലിലേക്ക് മടങ്ങും, എന്റെ ജീവന്‍ നഷ്ടമായാലും ഏകാധിപത്യത്തിനെതിരായ പോരാട്ടം തുടരണം- അരവിന്ദ് കെജ്രിവാള്‍

More
More
National Desk 2 weeks ago
National

ഗാന്ധിജിയെ ലോകമറിഞ്ഞത് സിനിമയിലൂടെയെന്ന പരാമര്‍ശത്തില്‍ മോദിക്കെതിരെ കേസ്

More
More
National Desk 2 weeks ago
National

പ്രജ്വല്‍ രേവണ്ണ അറസ്റ്റില്‍; പിടിയിലായത് 34 ദിവസത്തിനുശേഷം

More
More
National Desk 2 weeks ago
National

ചരിത്രത്തില്‍ ഒരു പ്രധാനമന്ത്രിയും ഇങ്ങനെ വര്‍ഗീയത പറഞ്ഞിട്ടില്ല; മോദിക്കെതിരെ മന്‍മോഹന്‍ സിംഗ്

More
More
National Desk 2 weeks ago
National

ലോകത്തെ ഏറ്റവും രുചികരമായ ഭക്ഷണം ലഭിക്കുന്ന സ്ഥലങ്ങളുടെ പട്ടികയില്‍ ഇടംനേടി മുംബൈയും

More
More
National Desk 2 weeks ago
National

പ്രായശ്ചിത്തം ചെയ്യാനാണ് മോദി ധ്യാനത്തിന് പോകുന്നതെങ്കില്‍ നല്ലത്- കപില്‍ സിബല്‍

More
More