തിരുവനന്തപുരം: പി ഡബ്ല്യൂ ഡി റസ്റ്റ് ഹൗസുകള് പീപ്പിള്സ് റസ്റ്റ് ഹൗസുകളാക്കി മാറ്റുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. പൊതുജനങ്ങള്ക്ക് ബുക്ക് ചെയ്യാനായി ഓണ്ലൈന് ബുക്കിംഗ് സൗകര്യമുണ്ടാക്കുമെന്നും മന്ത്രി പറഞ്ഞു. നിയമസഭയില് ചോദ്യോത്തരവേളയില് മറുപടി നല്കുകയായിരുന്നു അദ്ദേഹം. ഇനി മുതല് റസ്റ്റ് ഹൗസില് ഒരു മുറി വേണമെങ്കില് സാധാരണക്കാരന് പോര്ട്ടല് വഴി ബുക്ക് ചെയ്യാനാകും. ഉദ്യോഗസ്ഥര്ക്ക് നിലവിലുളള സംവിധാനം നഷ്ടമാക്കാതെയാണ് പൊതുജനങ്ങള്ക്ക് സൗകര്യം ഏര്പ്പെടുത്തുന്നത്.
ഫേസ്ബുക്ക് പോസ്റ്റിന്റെ പൂർണ്ണ രൂപം
പിഡബ്ല്യുഡി റസ്റ്റ്ഹൗസുകള് ഇനി പീപ്പിള്സ് റസ്റ്റ്ഹൗസുകള്..
പിഡബ്ല്യുഡി റസ്റ്റ് ഹൗസുകള് പീപ്പിള്സ് റസ്റ്റ് ഹൗസുകളാക്കി മാറ്റുമെന്ന് നിയമസഭയിലെ ചോദ്യോത്തരവേളയില് മറുപടി നല്കി. ഇതിന്റെ ഭാഗമായി മുറികള് പൊതുജനങ്ങള്ക്കും ബുക്ക് ചെയ്യാനാകുന്ന തരത്തില് ഓണ്ലൈന് ബുക്കിംഗ് സൗകര്യം നവംബര് ഒന്നിന് നിലവില് വരും. റസ്റ്റ് ഹൗസില് ഒരു മുറി വേണമെങ്കില് ഇനി സാധാരണക്കാരന് പോര്ട്ടല് വഴി ഓണ്ലൈനായി ബുക്ക് ചെയ്യാനാകും. ഉദ്യോഗസ്ഥര്ക്ക് നിലവിലുള്ള സൗകര്യം നഷ്ടപ്പെടാതെയാണ് ഓണ്ലൈന് സംവിധാനം തയ്യാറാക്കുക.
റസ്റ്റ് ഹൗസ് കൂടുതല് ജനസൗഹൃദമാക്കി പീപ്പിള്സ് റസ്റ്റ് ഹൗസുകളാക്കി മാറ്റുകയാണ് ലക്ഷ്യം.സംസ്ഥാനത്ത് പൊതുമരാമത്ത് വകുപ്പിനാണ് ഏറ്റവും വലിയ അക്കമഡേഷന് സൗകര്യം സ്വന്തമായി ഉള്ളത്. 153 റസ്റ്റ് ഹൗസുകളിലായി 1151 മുറികള് ഉണ്ട്. പലതും ഏറ്റവും പ്രാധാന്യമുള്ള സ്ഥലത്തുമാണ് ഉളളത്. റസ്റ്റ് ഹൗസുകളെ നവീകരിക്കാനുള്ള പദ്ധതിയും തയ്യാറാക്കി കഴിഞ്ഞു. ആദ്യഘട്ടത്തില് തെരഞ്ഞെടുക്കപ്പെട്ട 30 റസ്റ്റ് ഹൗസുകളെ നവീകരിക്കാനാണ് തീരുമാനിച്ചിട്ടുള്ളത്. ഇതിനായി കെടിഡിസി മാനേജിംഗ് ഡയറക്ടറെ നോഡല് ഓഫീസറായി ചുമതലപ്പെടുത്തിയിട്ടുണ്ട്.
റസ്റ്റ് ഹൗസുകളുടെ ഭാഗമായി ഭക്ഷണശാലകള് ആരംഭിക്കുവാന് തീരുമാനിച്ചിട്ടുണ്ട്. ശുചിത്വം ഉറപ്പു വരുത്തും. ദീര്ഘ ദൂര യാത്രക്കാര്ക്ക് ഉപയോഗിക്കാന് കഴിയുന്ന തരത്തില് ടോയ് ലറ്റ് ഉള്പ്പെടെയുളള കംഫര്ട്ട് സ്റ്റേഷന് നിര്മ്മിക്കാനും തീരുമാനിച്ചിട്ടുണ്ട്. നല്ല ഫ്രണ്ട് ഓഫീസ് ഉള്പ്പെടെയുള്ള സംവിധാനം ഏര്പ്പെടുത്തി ജനകീയമാക്കും. സിസിടിവി സംവിധാനം ഏര്പ്പെടുത്തുകയും കേന്ദ്രീകൃത സംവിധാനത്തിലൂടെ നിരീക്ഷിക്കാനുള്ള സംവിധാനവും ഏര്പ്പെടുത്തും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക