തിരുവനന്തപുരം: കൊറോണ ബാധയെ തുടര്ന്ന് പാതിയില് മുടങ്ങിപ്പോയ സംസ്ഥാനത്തെ എസ്.എസ്.എല്.സി പരീക്ഷ എന്ന് നടക്കും എന്ന കാര്യത്തില് തീരുമാനം പിന്നീട് അറിയിക്കുമെന്ന് വിദ്യാഭ്യാസ വകുപ്പ് അറിയിച്ചു. ഏപ്രില് അവസാനമൊ മേയ് ആദ്യവാരമൊ നടത്താനാണ് ഇപ്പോഴത്തെ സാഹചര്യത്തില് സാദ്ധ്യത എന്ന സൂചനയാണ് വിദ്യാഭ്യാസ വകുപ്പ് നല്കുന്നത്. എന്നാല് സഥിതിഗതികള് പരിശോധിച്ചതിനു ശേഷം മാത്രമേ അന്തിമ തീയതി പ്രഖ്യാപിക്കൂവെന്ന് വിദ്യാഭ്യാസ വകുപ്പ് വ്യകതമാക്കി. ഓണ്ലൈനില് പരീക്ഷ നടത്തുക പ്രായോഗികമല്ലെന്നും അധികൃതര് അറിയിച്ചു.
എസ്.എസ്.എല്.സി, പ്ലസ് ടു പരീക്ഷകള് കോവിഡ് -19 നിയന്ത്രണങ്ങള് നീങ്ങിയാല് ഉടന് നടത്തുമെന്ന് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് വ്യക്തമാക്കി. പ്ലസ് ടു പ്രവേശവും സമയ ബന്ധിതമായിത്തന്നെ പൂര്ത്തീകരിക്കുമെന്നും മന്ത്രി വ്യക്തമാക്കിയിട്ടുണ്ട്.