കൊച്ചി: നടിയെ ആക്രമിച്ച കേസില് നടന് ദിലീപിന് തിരിച്ചടി. പ്രോസിക്യൂഷന്റെ ഹര്ജി പരിഗണിച്ച ഹൈക്കോടതി ദൃശ്യങ്ങള് അടങ്ങിയ മെമ്മറി കാര്ഡ് ഫോറന്സിക് പരിശോധനയ്ക്ക് അയക്കാമെന്ന് ഉത്തരവിട്ടു. രണ്ട് ദിവസത്തിനുള്ളില് പരിശോധനക്ക് അയക്കണമെന്നും കോടതി നിര്ദ്ദേശിച്ചു. ജസ്റ്റിസ് ബച്ചു കുര്യൻ തോമസാണ് ഉത്തരവ് പുറപ്പെടുവിച്ചത്. കോടതിയിടെ കസ്റ്റഡിയില് ഇരിക്കുന്ന മെമ്മറി കാര്ഡ് പരിശോധിക്കേണ്ടതില്ലെന്നായിരുന്നു വിചാരണക്കോടതി ഉത്തരവ്. ഇതിനെ ചോദ്യം ചെയ്തുകൊണ്ട് പ്രോസിക്യൂഷന് ഹൈക്കോടതിയെ സമീപിക്കുകയായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അന്വേഷണം വൈകിപ്പിക്കാൻ പാടില്ല. ഏഴ് ദിവസത്തിനകം പരിശോധന പൂർത്തിയാക്കി മുദ്ര വച്ച കവറിൽ റിപ്പോർട്ട് സമർപ്പിക്കണം. ഈ നടപടികൾ ഒരുതരത്തിലും കേസിന്റെ വിചാരണയടക്കമുള്ള തുടർ നടപടികളെ ബാധിക്കരുതെന്നും ഹൈക്കോടതി വ്യക്തമാക്കി. അതേസമയം, പ്രോസിക്യൂഷന്റെ ആവശ്യം അംഗീകരിക്കരുതെന്നാണ് ദിലീപ് കോടതിയില് വാദിച്ചത്. മെമ്മറി കാര്ഡിന്റെ ശാസ്ത്രീയ പരിശോധന നടത്തുന്നത് കേസ് വൈകിപ്പിക്കാനാണെന്നും എഫ് എസ് എൽ റിപോർട്ടുകൾ നിലവിൽ അന്വേഷണ ഉദ്യോഗസ്ഥരുടെയും കോടതിയുടെയും കൈവശമുണ്ടായിരിക്കെ വീണ്ടും പരിശോധനവേണമെന്ന ആവശ്യം അനാവിശ്യമാണെന്നുമായിരുന്നു ദിലീപ് നല്കിയ ഹര്ജിയില് ആവശ്യപ്പെട്ടത്.