തിരുവനന്തപുരം: വിദ്യാലയങ്ങളില് ആണ് കുട്ടികള്ക്കും പെണ്കുട്ടികള്ക്കും ഒരേ യൂണിഫോം അടിച്ചേല്പ്പിക്കാന് സര്ക്കാര് താത്പര്യപ്പെടുന്നില്ലെന്ന് മുഖ്യമന്ത്രി നിയമസഭയില് പറഞ്ഞു. കെ.കെ. ശൈലജ ടീച്ചറുടെ സബ്മിഷന് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്. അതത് വിദ്യാഭ്യാസ സ്ഥാപനങ്ങളില് അധ്യാപകരും പി.ടി.എ പ്രതിനിധികളും വിദ്യാര്ത്ഥി പ്രതിനിധികളും ഒരുമിച്ചിരുന്ന് ചര്ച്ച നടത്തിവേണം ഇക്കാര്യത്തില് തീരുമാനമെടുക്കേണ്ടതെന്നും മുഖ്യമന്ത്രി പിണറായി വിജയന് കൂട്ടിച്ചേര്ത്തു. വസ്ത്രം, ഭക്ഷണം, വിശ്വാസം ഇവ സമൂഹിക സാഹചര്യം അനുസരിച്ച് വ്യക്തിക്ക് തീരുമാനിക്കാമെന്നും മുഖ്യമന്ത്രി വ്യക്തമാക്കി. സ്ത്രീകള് നേരിടുന്ന പ്രശ്നം സര്ക്കാരിനറിയാം. തൊഴിലിടങ്ങളിൽ ചിലയിടങ്ങളില് വിവേചനവും ആണ്കോയ്മയും നിലനില്ക്കുന്നുണ്ടെന്നും മുഖ്യമന്ത്രി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പുരോഗമന സ്വഭാവമുള്ള ഒരു വിജ്ഞാന സമൂഹ നിര്മിതിയാണ് നമ്മുടെ ലക്ഷ്യം. അതിന് ശാസ്ത്ര അവബോധം അനിവാര്യമാണ്. സ്ത്രീകളുടെ മേല് വസ്ത്രധാരണ രീതി അടിച്ചേല്പ്പിക്കാന് നടത്തുന്ന ശ്രമങ്ങള് നമ്മുടെ ലക്ഷ്യത്തിന് തടസ്സം നില്ക്കും. സമൂഹത്തിലെ എല്ലാ വിഭാഗം ജനങ്ങള്ക്കും അവരുടെ ജാതി-മത-ലിംഗ ഭേദമന്യേ അവര് അര്ഹിക്കുന്ന സ്വാതന്ത്ര്യം ഉണ്ടാകണം എന്നാണ് സര്ക്കാര് കരുതുന്നത്. ഇതിന് സഹായകരമായ ഒരു അന്തരീക്ഷം സൃഷ്ടിക്കാനാണ് എല്ലാവരും മുന്കൈ എടുക്കേണ്ടതെന്നും മുഖ്യമന്ത്രി വ്യക്തമാക്കി. സമൂഹത്തില് സ്ത്രീകള്ക്ക് തുല്യത ആവശ്യപ്പെട്ട് നവോത്ഥാന പ്രസ്ഥാനങ്ങള് പ്രവര്ത്തിച്ചിരുന്നു. ഈ ലക്ഷ്യത്തിന് കടകവിരുദ്ധമായി അടുത്തകാലത്ത് കാണുന്ന ചില പ്രവണതകള് തീര്ത്തും നിരുത്സാഹപ്പെടുത്തേണ്ടവയാണെന്നും മുഖ്യമന്ത്രി പറഞ്ഞു.