ഡല്ഹി: രാഹുല് ഗാന്ധി നയിക്കുന്ന ഭാരത് ജോഡോ യാത്രയെ പ്രശംസിച്ചതിനുപിന്നാലെ സുപ്രീംകോടതി അഭിഭാഷകന് പ്രശാന്ത് ഭൂഷണെ കോണ്ഗ്രസിലേക്ക് ക്ഷണിച്ച് മുതിര്ന്ന നേതാവ് ദിഗ് വിജയ് സിംഗ്. പദയാത്രയെ പ്രശംസിച്ചുളള പ്രശാന്ത് ഭൂഷന്റെ ട്വീറ്റ് റീട്വീറ്റ് ചെയ്തായിരുന്നു ദിഗ് വിജയ് സിംഗിന്റെ പ്രതികരണം.
'ഭാരത് ജോഡോ യാത്ര ശരിക്കും മതിപ്പുണ്ടാക്കുന്നതാണ്. ഇത് ഇന്ത്യയെ സംബന്ധിച്ചിടത്തോളം മാറ്റങ്ങളുണ്ടാക്കിയേക്കാം' എന്നായിരുന്നു യാത്രയുടെ വീഡിയോ പങ്കുവെച്ച് പ്രശാന്ത് ഭൂഷണ് ട്വീറ്റ് ചെയ്തത്. 'താങ്കളോട് യോജിക്കുന്നു. എപ്പോഴാണ് ഞങ്ങളോടൊപ്പം ചേരുന്നത്'-എന്നാണ് ദിഗ് വിജയ് സിംഗ് ചോദിച്ചത്. ആം ആദ്മി പാര്ട്ടി 2015 ഏപ്രിലില് പ്രശാന്ത് ഭൂഷണെ പുറത്താക്കിയിരുന്നു. പാര്ട്ടിക്കെതിരായി പ്രവര്ത്തിച്ചു എന്നാരോപിച്ചായിരുന്നു നടപടി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഭാരത് ജോഡോ യാത്ര ഇതുവരെ നാലുസംസ്ഥാനങ്ങളാണ് പിന്നിട്ടത്. തമിഴ്നാട് കന്യാകുമാരിയില്നിന്ന് ആരംഭിച്ച യാത്ര കേരളവും കര്ണാടകയും ആന്ധ്രയും കടന്ന് തെലങ്കാനയിലെത്തി നില്ക്കുകയാണ്. ദീപാവലി അവധി കഴിഞ്ഞ് നാളെയാണ് ഭാരത് ജോഡോ യാത്ര പര്യടനം വീണ്ടും ആരംഭിക്കുക. അടുത്ത പതിനൊന്ന് ദിവസങ്ങളിലായി തെലങ്കാനയിലെ എട്ടുജില്ലകളിലൂടെയാണ് യാത്ര കടന്നുപോവുക. 2022 സെപ്റ്റംബര് ഏഴിന് ആരംഭിച്ച ഭാരത് ജോഡോ യാത്ര 2023 ഫെബ്രുവരി ഇരുപതിന് കശ്മീരിലെത്തുന്നതോടെയാണ് അവസാനിക്കുക.