ഡല്ഹി: ബലാത്സംഗ ഇരകളില് കന്യാചര്മ പരിശോധന നിരോധിച്ച് സുപ്രീംകോടതി. അതിജീവിതമാരെ വീണ്ടും ഇരകളാക്കുന്നതിന് തുല്യമാണ് ഇത്തരം പരിശോധനകളെന്നും സുപ്രീം കോടതി നിരീക്ഷിച്ചു. ഇത്തരം പരിശോധനകള്ക്ക് ശാസ്ത്രീയ അടിത്തറയില്ല. അതിജീവിതകളെ ഇത്തരം രീതിയില് പരിശോധിക്കുന്നവര്ക്കെതിരെ കര്ശന നടപടികള് സ്വീകരിക്കണമെന്നും സുപ്രീംകോടതി നിര്ദ്ദേശം നല്കി. ഇന്നും കന്യാ ചർമ പരിശോധന നടക്കുന്നുവെന്നത് ദുഃഖകരമാണെന്ന് ജസ്റ്റിസ് ഡിവൈ ചന്ദ്രചൂഡ് വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കന്യാചര്മ പരിശോധനകൾ പാടില്ലെന്ന് എല്ലാ ആശുപത്രികൾക്കും നിർദേശം നൽകണമെന്ന് കേന്ദ്രത്തോട് സുപ്രീംകോടതി ആവശ്യപ്പെട്ടു. സ്ത്രീകളുടെ ലൈംഗികാവയവത്തിനകത്തേക്ക് വിരലുകൾ കയറ്റി മസിലുകളുടെ ബലം നോക്കി കന്യകാത്വം പരിശോധിക്കുന്നതാണ് ഈ രീതി. ശാസ്ത്രീയ അടിത്തറയില്ലാത്ത ഈ പരിശോധന നിർബാധം തുടർന്നു വരികയാണെന്നും കോടതി വിലയിരുത്തി. രണ്ടു വിരൽ’ പരിശോധന അശാസ്ത്രീയവും അതിജീവിതകളുടെ സ്വകാര്യത, അന്തസ്സ് എന്നീ അവകാശങ്ങളെ ഹനിക്കുന്നതുമാണന്ന ചര്ച്ചകള് സജീവമായി ഉയര്ന്നുവരുന്നതിനിടെയാണ് സുപ്രീംകോടതിയുടെ നിര്ണായക ഉത്തരവ്. കോടതിയുടെ ഉത്തരവിനെ പ്രശംസിച്ച് നിരവധിപ്പേരാണ് രംഗത്തെത്തിയിരിക്കുന്നത്.