പാലക്കാട്: ഫ്രാന്സ് ടീമിനെയും ഫുട്ബോള് താരം കിലിയന് എംബാപ്പെയെയും അധിക്ഷേപിച്ചുളള ആര്എസ്എസ് നേതാവ് ടി ജി മോഹന്ദാസിന്റെ ട്വീറ്റിനെതിരെ ഷാഫി പറമ്പില് എംഎല്എ. ശ്വസിക്കുന്ന വായുവില്പോലും വംശീയതയും വര്ഗീയതയും കുത്തിനിറയ്ക്കുന്നവര്ക്ക് ഇപ്പോള് എംബാപ്പെയാണ് പ്രശ്നമെന്ന് ഷാഫി പറഞ്ഞു. ഫേസ്ബുക്കിലൂടെയായിരുന്നു ഷാഫി പറമ്പിലിന്റെ പ്രതികരണം.
'ഇവര്ക്ക് എന്തൊക്കെയാണ് പ്രശ്നങ്ങള്? എംബാപ്പെയുടെ തൊലിയുടെ നിറം, ദീപികയുടെ ബിക്കിനിയുടെ നിറം, ചിലരുടെ വസ്ത്രം, ചിലപ്പോള് ഭക്ഷണം... ശ്വസിക്കുന്ന വായുവില്പോലും വംശീയതയും വര്ഗീയതയും കുത്തിനിറയ്ക്കുന്നവര്ക്ക് ഇപ്പോള് പ്രശ്നം എംബാപ്പെയാണ്. ലോകത്തെ വിസ്മയിപ്പിച്ച പ്രകടനം ഫൈനലില് പുറത്തെടുത്ത എംബാപ്പെയിലും സംഘപരിവാര് വാട്സാപ്പ് യൂണിവേഴ്സിറ്റികളുടെ 'ചാന്സിലര്' കണ്ടതും 'തൊലിനിറം' തന്നെ. സ്വാഭാവികം'- ഷാഫി പറമ്പില് ഫേസ്ബുക്കില് കുറിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
'ഫ്രഞ്ചുകാര് വെളുത്തുതുടുത്ത സായിപ്പന്മാരായിരിക്കും എന്നാണ് ഞാന് വിചാരിച്ചത്. ഇതിപ്പോ എന്നേക്കാള് കറുത്ത പ്രേതങ്ങള്. ആ എംബാപ്പെയെ രാത്രിയിലെങ്ങാനും വഴിയില് കണ്ടാല് നമ്മള് ഞെട്ടി ഏഴുദിവസം പനിച്ചുകിടക്കും'-എന്നായിരുന്നു ടി ജി മോഹന്ദാസിന്റെ ട്വീറ്റ്.