ചെന്നൈ: കോണ്‍ഗ്രസ് നേതാവ് രാഹുല്‍ ഗാന്ധിയെ മുന്‍ പ്രധാനമന്ത്രി ജവഹര്‍ലാല്‍ നെഹ്രുവിനോട് ഉപമിച്ച് തമിഴ്നാട് മുഖ്യമന്ത്രിയും ഡി എം കെ നേതാവുമായ എം കെ സ്റ്റാലിന്‍. ''രാജ്യത്തിന്റെ ആദ്യ പ്രധാനമന്ത്രിയും തന്റെ മുത്തച്ഛനുമായ ജവഹര്‍ലാല്‍ നെഹ്‌റുവിനെ പോലെ ആണ് രാഹുല്‍ ചിലപ്പോള്‍ സംസാരിക്കുന്നത്. രാഹുല്‍ ഗാന്ധിയുടെ പ്രസംഗങ്ങള്‍ രാജ്യത്തെ പ്രകമ്പനം കൊള്ളിക്കുകയാണ്''- സ്റ്റാലിന്‍ പറഞ്ഞു.
''രാഹുല്‍ ഗാന്ധിയുടെ പ്രസംഗങ്ങളില്‍ ഗോഡ്സേയുടെ പിന്‍ഗാമികള്‍ അസ്വസ്ഥരാകുന്നത് സ്വാഭാവികമാണ്. കാരണം അദ്ദേഹം കക്ഷിരാഷ്ട്രീയത്തിനപ്പുറം രാഷ്ട്രീയ പ്രത്യയശാസ്ത്രമാണ് സംസാരിക്കുന്നത്. രാഹുലിന്റെ പ്രസംഗം പലപ്പോഴും നെഹ്രുവിനെപ്പോലെയാണ്. അദ്ദേഹം പാര്‍ലമെന്ററി ജനാധിപത്യത്തിന്റെ പ്രതീകമായിരുന്നു, അക്കാരണം കൊണ്ടാണ് ജവഹര്‍ലാല്‍ നെഹ്‌റുവിനെ ഒരുപോലെ എല്ലാ മതേതരവിശ്വാസികളും വാഴ്ത്തുന്നത്. ഗാന്ധിയെ പോലെയും നെഹ്രുവിനപോലെയുമുള്ള നേതാക്കള്‍ ഇന്ന് രാജ്യത്തിനാവശ്യമാണ്-" എം കെ സ്റ്റാലിന്‍ കൂട്ടിച്ചേര്‍ത്തു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'മാമാനിതര്‍ നെഹ്‌റു' എന്ന പേരില്‍ തമിഴ്നാട്ടിലെ മുതിര്‍ന്ന കോണ്‍ഗ്രസ് നേതാവ് എം ഗോപ്പണ്ണ രചിച്ച പുസ്തകം പ്രകാശനം ചെയ്യുന്ന ചടങ്ങിലാണ് രാഹുല്‍ ഗാന്ധിയെ മുഖ്യമന്ത്രി സ്റ്റാലിന്‍ നെഹ്‌റുവിനോട് ഉപമിച്ചത്.
