കൊച്ചി: സ്ത്രീകള്‍ ശബരിമലയില്‍ പ്രവേശിക്കുന്നതിനോട് തനിക്ക് വ്യക്തിപരമായി എതിര്‍പ്പില്ലെന്ന് നടന്‍ രമേഷ് പിഷാരടി. ഒരുപാട് ജനങ്ങളുടെ വിശ്വാസത്തിന്റെ കാര്യമാണതെന്നും തന്റെ വ്യക്തിപരമായ നിലപാടിന് അവിടെ പ്രസക്തിയില്ലെന്നും രമേഷ് പിഷാരടി പറഞ്ഞു. മാളികപ്പുറം എന്ന സിനിമയുടെ പ്രമോഷന്റെ ഭാഗമായി കൗമുദി മൂവീസിന് നല്‍കിയ അഭിമുഖത്തിലായിരുന്നു നടന്റെ പ്രതികരണം.
'സ്ത്രീകള്‍ ശബരിമലയില്‍ പ്രവേശിക്കുന്നതിനോട് എനിക്ക് എതിര്‍പ്പില്ല. അതുകൊണ്ട് നാളെ ഞാന്‍ നാല് സ്ത്രീകളെ അവിടെ കയറ്റണമെന്നും നിര്‍ബന്ധമില്ല. അതൊക്കെ അവരുടെ ചോയ്‌സ് ആണല്ലോ. എന്റെ വ്യക്തിപരമായ നിലപാടിന് ഇവിടെ പ്രസക്തിയില്ല. വിശ്വസിക്കുന്ന, അതില്‍തന്നെ ജീവിക്കുന്ന ഒരുപാടുപേരുണ്ട്. ഈ സമൂഹത്തില്‍ ജനിച്ചുവീഴുന്ന ഓരോ കുട്ടിയെയും പത്തിരുപത് വര്‍ഷം ട്രെയ്ന്‍ ചെയ്‌തെടുക്കുകയാണ്. വളരെ സിസ്റ്റമാറ്റിക്കായ ഒരു സമൂഹം ഇവിടെയുണ്ട്. എനിക്ക് പുരോഗമനം ഉണ്ടെന്നു കരുതി അവരില്‍ ഞാനത് അടിച്ചേല്‍പ്പിക്കുന്നത് ശരിയല്ല. എന്റെ ചിന്തകള്‍ മറ്റൊരാളിലേക്ക് കടത്താനാവില്ല'- രമേഷ് പിഷാരടി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഉണ്ണി മുകുന്ദനെ പ്രധാന കഥാപാത്രമാക്കി നവാഗതനായ വിഷ്ണു ശശി ശങ്കര്‍ സംവിധാനം ചെയ്ത മാളികപ്പുറം ഡിസംബര്‍ മുപ്പതിനാണ് തിയറ്ററുകളിലെത്തിയത്. കല്യാണി എന്ന എട്ടുവയസുകാരിയുടെയും അവള്‍ സൂപ്പര്‍ ഹീറോയായി കാണുന്ന അയ്യപ്പന്റെയും കഥയാണ് ചിത്രം പറയുന്നത്.
