കൊച്ചി: പ്ലാസ്റ്റിക് മാലിന്യപ്രശ്നം പരിഹരിക്കുന്നതിന്റെ ഭാഗമായി സംസ്ഥാന സര്‍ക്കാര്‍ നടപ്പാക്കിയ പ്ലാസ്റ്റിക് കവര്‍ നിരോധനം ഹൈക്കോടതി റദ്ദാക്കി. ജസ്റ്റിസ് എന്‍ നരേഷിന്‍റെ സിംഗിള്‍ ബെഞ്ചാണ് ഉത്തരവ് പുറപ്പെടുവിച്ചത്. പലചരക്ക്, പച്ചക്കറി, സ്റ്റേഷനറി കടകളില്‍ സാധനങ്ങള്‍ നല്‍കാന്‍ വ്യാപകമായി ഉപയോഗിച്ചിരുന്ന 60 ജി എസ് എമ്മില്‍ താഴെയുള്ള കവറുകളുടെ നിരോധനം എടുത്തുകളഞ്ഞ കോടതി, ഇത്തരമൊരു നിരോധനം ഏര്‍പ്പെടുത്താന്‍ സംസ്ഥാന സര്‍ക്കാരിന് അധികാരമില്ല എന്ന് വ്യക്തമാക്കി.
പ്ലാസ്റ്റിക് ക്യാരി കവറുകള്‍ നിരോധിച്ച സംസ്ഥാന സര്‍ക്കാര്‍ നടപടിക്കെതിരെ അങ്കമാലി സ്വദേശിയായ തിരുമേനി എന്നയാള്‍ സമര്‍പ്പിച്ച ഹര്‍ജി പരിഗണിച്ചാണ് ഹൈക്കോടതി വിധി.പ്ലാസ്റ്റിക് മാലിന്യ നിയന്ത്രണ ചട്ടപ്രകാരം സംസ്ഥാന സര്‍ക്കാരിന് പ്ലാസ്റ്റിക് കവര്‍ നിരോധിക്കാനുള്ള അധികാരമില്ലെന്നും ആ അധികാരം കേന്ദ്രത്തില്‍ അധിഷ്ഠിതമാണെന്നും ഹൈക്കോടതി വ്യക്തമാക്കി. നിയമപരമായി നിലനില്‍ക്കാത്ത നിരോധനമാണ് നിലനില്‍ക്കുന്നതെന്നും അതുകൊണ്ടാണ് റദ്ദാക്കുന്നതെന്നും കോടതി വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കേരളത്തില്‍ ഗ്രാമപഞ്ചായത്തുതലത്തിലും ജില്ലാതലത്തിലും പ്ലാസ്റ്റിക് കവര്‍ നിരോധന മേഖലകള്‍ ഉണ്ടാക്കാന്‍ സന്നദ്ധ സംഘടനകളും റെസിഡന്‍സ് അസോസിയേഷനുകളും വലിയ പ്രവര്‍ത്തനങ്ങള്‍ നടത്തിവരുന്നതിനിടയിലാണ് നിരോധനം റദ്ദാക്കിയ കോടതി ഉത്തരവ് വന്നിരിക്കുന്നത്.
