കൊച്ചി: സംസ്ഥാനത്തിന്റെ വികസനക്കുതിപ്പിന് സഹായകമാകുന്നതാണ് ഇത്തവണത്തെ ബജറ്റെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. നാല്പ്പതിനായിരം കോടി രൂപയാണ് സംസ്ഥാനത്തിന് കേന്ദ്രസര്ക്കാര് നിഷേധിച്ചതെന്നും അതിനെക്കുറിച്ച് മിണ്ടാത്ത മാധ്യമങ്ങളും ബൂര്ഷ്വാ പാര്ട്ടികളും സംസ്ഥാന സര്ക്കാരിനെ കടന്നാക്രമിക്കുകയാണെന്നും എംവി ഗോവിന്ദന് പറഞ്ഞു. കൊച്ചിയില് മാധ്യമങ്ങളോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'പെട്രോളിനും ഡീസലിനും വില കൂട്ടിയത് കേന്ദ്രസര്ക്കാരാണ്. കേന്ദ്രം ഒരു നിയന്ത്രണവുമില്ലാതെ വില കൂട്ടിയതാണ് ഇന്ധനവില വര്ധനവിന് കാരണം. കേരളം രണ്ടുരൂപ സെസ് ഏര്പ്പെടുത്തുക മാത്രമാണ് ചെയ്തത്. ബജറ്റ് പാസാക്കിയിട്ടില്ല. വിമര്ശനങ്ങള് പരിശോധിച്ചതിനുശേഷമേ അന്തിമ തീരുമാനമെടുക്കുകയുളളു. വിമര്ശനങ്ങളും ചര്ച്ചകളും നടക്കട്ടെ' -എം വി ഗോവിന്ദന് പറഞ്ഞു.
അതേസമയം, ഇന്ന് ബജറ്റിലെ നികുതി വര്ധനവില് പ്രതിഷേധിച്ച് കോണ്ഗ്രസ് സംസ്ഥാന വ്യാപകമായി കരിദിനം ആചരിക്കുകയാണ്. ഡിസിസികളുടെ നേതൃത്വത്തില് പ്രതിഷേധ പരിപാടികളും മണ്ഡലം കമ്മിറ്റികളുടെ നേതൃത്വത്തില് പന്തം കത്തിച്ച് പ്രതിഷേധവും നടത്തും. തിങ്കളാഴ്ച്ച നിയമസഭയിലേക്ക് യൂത്ത് കോണ്ഗ്രസ് മാര്ച്ച് സംഘടിപ്പിക്കും.