തിരുവനന്തപുരം: മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടിയുടെ ആരോഗ്യവുമായി ബന്ധപ്പെട്ട് പ്രചരിക്കുന്ന വ്യാജ വാര്ത്തകളില് പ്രതികരണവുമായി മകന് ചാണ്ടി ഉമ്മന്. 2013 മുതല് ആരംഭിച്ച വ്യാജ പ്രചാരണങ്ങളാണിതെന്നും ഏതെങ്കിലും ട്രീറ്റ്മെന്റ് എടുക്കുന്നുണ്ടെങ്കില് അത് ഉമ്മന്ചാണ്ടിയുടെ കൂടി തീരുമാനപ്രകാരമാണെന്നും ചാണ്ടി ഉമ്മന് പറഞ്ഞു. ഉമ്മന് ചാണ്ടി തന്റെ പിതാവാണെന്നും അദ്ദേഹത്തിന്റെ കാര്യത്തില് തനിക്കല്ലാതെ ആര്ക്കാണിത്ര താല്പ്പര്യമെന്നും അദ്ദേഹം ചോദിച്ചു.
'പിതാവ് ന്യൂമോണിയ ബാധിച്ച് ആശുപത്രിയില് കിടക്കുമ്പോഴും ഇത്തരം ക്യാംപെയ്നുകള് തുടരുകയാണ്. ഈ പ്രായത്തിലുളള വ്യക്തിക്ക് ന്യൂമോണിയ വന്നാല് അതിന്റെ ഇംപാക്ട് എന്താണെന്ന് ഓര്ത്തുനോക്കൂ. ഒരു ട്രീറ്റ്മെന്റ് നടത്തുന്നതിനോടും ഞങ്ങള്ക്ക് എതിര്പ്പില്ല. പക്ഷെ വ്യാജ വാര്ത്തകള്, വ്യാജ പ്രചരണങ്ങള് പടച്ചുവിടുന്നത് ശരിയല്ല. ഇതുവരെ നടത്തിയ എല്ലാ ട്രീറ്റ്മെന്റുകളുടെയും റെക്കോര്ഡുകള് എന്റെ പക്കലുണ്ട്. എന്തുകൊണ്ടാണ് ഏതൊക്കെ ട്രീറ്റ്മെന്റുകള് എടുത്തതെന്ന് എനിക്ക് വ്യക്തമായി പറയാന് സാധിക്കും. എന്റെ പാര്ട്ടി നേതൃത്വത്തെ ഞാന് ബോധിപ്പിച്ചിട്ടുളള കാര്യമാണത്. അതുകൊണ്ടാണ് അച്ഛനെ ജര്മ്മനിയില് കൊണ്ടുപോകാന് പാര്ട്ടി സഹായം ചെയ്തത്'- ചാണ്ടി ഉമ്മന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഉമ്മന് ചാണ്ടിയുടെ ആരോഗ്യവുമായി ബന്ധപ്പെട്ട് ഇല്ലാത്ത കഥകള് പ്രചരിപ്പിക്കുന്നത് എന്തിനുവേണ്ടിയാണെന്ന് തനിക്കറിയില്ലെന്നും ചാണ്ടി ഉമ്മന് പറഞ്ഞു. ഉമ്മന്ചാണ്ടിയ്ക്ക് ന്യൂമോണിയ മാറിയെങ്കിലും ക്ഷീണമുണ്ടെന്നും അദ്ദേഹത്തിന് എങ്ങനെ മികച്ച ട്രീറ്റ്മെന്റ് നല്കാം എന്നതാണ് തന്റെയും കുടുംബത്തിന്റെയും ചിന്തയെന്നും ചാണ്ടി ഉമ്മന് കൂട്ടിച്ചേര്ത്തു.