തിരുവനന്തപുരം: കഴിഞ്ഞ ദിവസം പ്രതിപക്ഷ പ്രതിഷേധത്തിനിടെ സ്പീക്കറുടെ ഓഫീസിനുമുന്നില്‍വെച്ചുണ്ടായ അക്രമ സംഭവങ്ങളില്‍ സര്‍ക്കാരിനെതിരെ രൂക്ഷ വിമര്‍ശനവുമായി പ്രതിപക്ഷ നേതാവ് വി ഡി സതീശന്‍. യാതൊരു പ്രകോപനവുമില്ലാതെയാണ് വാച്ച് ആന്‍ഡ് വാര്‍ഡും ഭരണപക്ഷ എംഎല്‍എമാരും പ്രതിപക്ഷ അംഗങ്ങളെ ആക്രമിച്ചതെന്നും കെ കെ രമ എംഎല്‍എയെ നിലത്തിട്ട് ചവിട്ടിയെന്നും വി ഡി സതീശന്‍ പറഞ്ഞു. ടി പി ചന്ദ്രശേഖരനെ 52 വെട്ടു വെട്ടി കൊന്നിട്ടും ആ കുടുംബത്തോടുളള വൈരാഗ്യം അവസാനിച്ചിട്ടില്ലെന്നും അദ്ദേഹം പറഞ്ഞു.
'നാല് പ്രതിപക്ഷ എംഎല്‍എമാര്‍ക്ക് പരിക്കേറ്റു. കെ കെ രമ എംഎല്‍എയെ നിലത്തിട്ട് ചവിട്ടി. അവരുടെ കൈ ഒടിഞ്ഞു. ടിപിയുടെ കുടുംബത്തോടുളള വൈരാഗ്യം അവസാനിക്കാതെ അവരെ കാലുമടക്കി തൊഴിച്ച ഭരണകക്ഷി എംഎല്‍എ സഭയിലിരിക്കുമ്പോള്‍ ഞങ്ങള്‍ക്കെങ്ങനെയാണ് അവിടെ ഇരിക്കാനാവുക? അമ്പലപ്പുഴ എംഎല്‍എ എച്ച് സലാം ഞങ്ങളുടെ വനിതാ നേതാക്കളെ കാലുമടക്കി തൊഴിക്കുകയായിരുന്നു. എച്ച് സലാമിനും സച്ചിന്‍ദേവിനുമെതിരെ നടപടി സ്വീകരിക്കണം'- വി ഡി സതീശന്‍ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പ്രതിഷേധത്തിനിടെ വാച്ച് ആന്‍ഡ് വാര്‍ഡ് തന്നെ കയ്യേറ്റം ചെയ്‌തെന്ന് കെ കെ രമ കഴിഞ്ഞ ദിവസം ആരോപിച്ചിരുന്നു. തിരുവഞ്ചൂര്‍ രാധാകൃഷ്ണനുനേരെയാണ് വാച്ച് ആന്‍ഡ് വാര്‍ഡ് ആദ്യം അക്രമം നടത്തിയത്. തുടര്‍ന്ന് നാലോ അഞ്ചോ വനിതാ വാച്ച് ആന്‍ഡ് വാര്‍ഡ് വന്ന് കയ്യിലും കാലിലുമെല്ലാം പിടിച്ചുവലിച്ചു. ഭരണപക്ഷ എംഎല്‍എമാര്‍ മോശമായി മുദ്രാവാക്യം വിളിച്ചു എന്നാണ് കെ കെ രമയുടെ ആരോപണം. തുടര്‍ന്ന് എംഎല്‍എയുടെ കൈക്ക് പ്ലാസ്റ്റര്‍ ഇടുകയും ചെയ്തിരുന്നു. എന്നാല്‍ ഇത് നാടകമാണെന്നും പ്ലാസ്റ്റര്‍ ഇടാനുളള പരിക്ക് കെകെ രമയുടെ കൈയ്ക്ക് പറ്റിയിട്ടില്ലെന്നുമാണ് ഇടതുപ്രൊഫൈലുകളുടെ വാദം
