തമിഴ്‌നാട്ടില്‍ ആദിവാസി കുടുംബത്തിന് സിനിമാ തിയറ്ററില്‍ പ്രവേശനം നിഷേധിച്ചു

ചെന്നൈ: ആദിവാസി കുടുംബത്തിന് സിനിമാ തിയറ്ററില്‍ പ്രവേശനം നിഷേധിച്ചു. തമിഴ്‌നാട്ടിലെ പ്രശസ്തമായ രോഹിണി തിയറ്ററിലാണ് സംഭവം. അഞ്ചുപേരടങ്ങിയ കുടുംബം ടിക്കറ്റുകള്‍ കാണിച്ചിട്ടും തിയറ്റര്‍ ജീവനക്കാരന്‍ പ്രവേശനം നിഷേധിക്കുകയായിരുന്നു. ഇതിന്റെ വീഡിയോ സമൂഹമാധ്യമങ്ങളില്‍ വൈറലാണ്. സമൂഹത്തിന്റെ വിവിധ മേഖലകളില്‍ നിന്ന് തിയറ്ററിനെതിരെ വ്യാപക വിമര്‍ശനമാണ് ഉയര്‍ന്നുവരുന്നത്. 

തിയറ്റര്‍ ജീവനക്കാരന്‍ കുടുംബത്തിന് പ്രവേശനം നിഷേധിച്ചതിനെ തിയറ്ററിലെത്തിയ യുവാക്കള്‍ ചോദ്യംചെയ്യുന്നതും പ്രചരിക്കുന്ന വീഡിയോയില്‍ കാണാം. സ്ഥിതിഗതികള്‍ വഷളായതോടെ തിയറ്റര്‍ അധികൃതര്‍ കുടുംബത്തെ സിനിമ കാണാന്‍ അനുവദിച്ചു. കുടുംബം ചിത്രം കാണുന്നതിന്റെ വീഡിയോയും അവര്‍ പുറത്തുവിട്ടു. ചിമ്പുവിന്റെ 'പത്തുതല' എന്ന ചിത്രം കാണാനാണ് ആദിവാസി കുടുംബം തിയറ്ററിലെത്തിയത്.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

കുടുംബത്തിന്റെ ജാതി മൂലമല്ല പ്രവേശനം നിഷേധിച്ചതെന്നും സെന്‍സര്‍ഷിപ്പ് ചട്ടങ്ങളാണ് അതിനുകാരണമെന്നുമാണ് തിയറ്ററിന്റെ വിശദീകരണം. നിയമം അനുസരിച്ച് 12 വയസിനുതാഴെയുളള കുട്ടികള്‍ക്ക് യു/എ സര്‍ട്ടിഫിക്കറ്റുളള സിനിമകള്‍ കാണാന്‍ അനുവാദമില്ല. ആദിവാസി കുടുംബത്തില്‍ രണ്ടും ആറും എട്ടും പത്തും വയസുളള കുട്ടികളാണ് ഉണ്ടായിരുന്നത്. അതിനാലാണ് പ്രവേശനം നിഷേധിച്ചത് എന്നാണ് തിയറ്റര്‍ പുറത്തിറക്കിയ പ്രസ്താവനയില്‍ പറയുന്നത്. 

Contact the author

National Desk

Recent Posts

National Desk 2 weeks ago
National

ജൂണ്‍ രണ്ടിന് ജയിലിലേക്ക് മടങ്ങും, എന്റെ ജീവന്‍ നഷ്ടമായാലും ഏകാധിപത്യത്തിനെതിരായ പോരാട്ടം തുടരണം- അരവിന്ദ് കെജ്രിവാള്‍

More
More
National Desk 2 weeks ago
National

ഗാന്ധിജിയെ ലോകമറിഞ്ഞത് സിനിമയിലൂടെയെന്ന പരാമര്‍ശത്തില്‍ മോദിക്കെതിരെ കേസ്

More
More
National Desk 2 weeks ago
National

പ്രജ്വല്‍ രേവണ്ണ അറസ്റ്റില്‍; പിടിയിലായത് 34 ദിവസത്തിനുശേഷം

More
More
National Desk 2 weeks ago
National

ചരിത്രത്തില്‍ ഒരു പ്രധാനമന്ത്രിയും ഇങ്ങനെ വര്‍ഗീയത പറഞ്ഞിട്ടില്ല; മോദിക്കെതിരെ മന്‍മോഹന്‍ സിംഗ്

More
More
National Desk 2 weeks ago
National

ലോകത്തെ ഏറ്റവും രുചികരമായ ഭക്ഷണം ലഭിക്കുന്ന സ്ഥലങ്ങളുടെ പട്ടികയില്‍ ഇടംനേടി മുംബൈയും

More
More
National Desk 2 weeks ago
National

പ്രായശ്ചിത്തം ചെയ്യാനാണ് മോദി ധ്യാനത്തിന് പോകുന്നതെങ്കില്‍ നല്ലത്- കപില്‍ സിബല്‍

More
More