കോഴിക്കോട്: കേരളത്തില്നിന്ന് 32,000 പേരെ മതംമാറ്റി സിറിയയിലേക്ക് കടത്തിയെന്നതിന് തെളിവ് സമര്പ്പിക്കുന്നവര്ക്ക് ഒരുകോടി രൂപ ഇനാം പ്രഖ്യാപിച്ച് യൂത്ത് ലീഗ്. സംസ്ഥാന ജനറല് സെക്രട്ടറി പി കെ ഫിറോസാണ് ഇക്കാര്യം ഫേസ്ബുക്കിലൂടെ അറിയിച്ചത്. തെളിവുകള് കയ്യിലുളള ആര്ക്കും യൂത്ത് ലീഗിന്റെ ജില്ലാ കേന്ദ്രങ്ങളിലുളള കൗണ്ടറില് അത് സമര്പ്പിച്ച് മെനക്കേടില്ലാതെ ഒരുകോടി നേടാവുന്നതാണെന്ന് പി കെ ഫിറോസ് പറഞ്ഞു.
രാഷ്ട്രീയ ലക്ഷ്യങ്ങള്ക്കുവേണ്ടി നുണകള് മാത്രം പറയുന്ന സംഘപരിവാര് ഫാക്ടറിയിലെ ഏറ്റവും വലിയ നുണകളിലൊന്നാണ് ലൗ ജിഹാദ് വഴി മതംമാറ്റി സിറിയയിലേക്ക് കടത്തി എന്ന ആരോപണം. കേരളത്തില് 32000 പേരെ മതംമാറ്റി എന്ന് സംഘപരിവാര് സ്പോണ്സേര്ഡ് സിനിമ ആധികാരിക കണക്കുകള് കയ്യിലുണ്ടെന്ന വാദത്തോടെ പറയുമ്പോള് ഒരു പഞ്ചായത്തില്നിന്ന് ശരാശരി 30 പേരെങ്കിലും ഉണ്ടാവുമല്ലോ. പക്ഷെ ഒരാളുടെയെങ്കിലും അഡ്രസ് ചോദിക്കുമ്പോള് ഒന്നും കേള്ക്കാത്ത പോലെ തലതാഴ്ത്തി ഇരിപ്പാണ്. അതുകൊണ്ട് തെളിവുകള് കൊണ്ടുവരുന്നവര്ക്ക് ഒരുകോടി രൂപ യൂത്ത് ലീഗ് നല്കുമെന്ന് പ്രഖ്യാപിക്കുന്നു'- പികെ ഫിറോസ് ഫേസ്ബുക്കില് കുറിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കേരളാ സ്റ്റോറി എന്ന സംഘപരിവാര് പ്രൊപ്പഗാണ്ട സിനിമയില് പറയുന്നതുപോലെ കേരളത്തിലെ മുസ്ലീം യുവാക്കള് പ്രേമിച്ച് മതംമാറ്റി ഇസ്ലാമിക് സ്റ്റേറ്റില് അംഗങ്ങളാക്കിയ സ്ത്രീകളുടെ വിവരങ്ങള് പ്രസിദ്ധീകരിക്കുന്നവര്ക്ക് 11 ലക്ഷം രൂപ നല്കുമെന്ന് നടനും അഭിഭാഷകനുമായ ഷുക്കൂര് വക്കീലും പ്രഖ്യാപിച്ചിട്ടുണ്ട്. 32000 സ്ത്രീകളുടെ വിവരമൊന്നും വേണ്ട. വെറും 32 പേരുടെയെങ്കിലും തന്നാല് മതി. ഹൈക്കോടതി പോലും തളളിക്കളഞ്ഞ ലവ് ജിഹാദ് കേസിനെക്കുറിച്ച് ഒരു തെളിവുമില്ലാതെ ഒരു സമുദായത്തെയും ഒരു സംസ്ഥാനത്തെയും പ്രതിസ്ഥാനത്തുനിര്ത്തുന്നത് എല്ലാവരും അവസാനിപ്പിക്കണമെന്നും ഷുക്കൂര് വക്കീല് പറഞ്ഞു.