വിവാദ ചിത്രം കേരളാ സ്‌റ്റോറിക്കെതിരെ പരോക്ഷ വിമര്‍ശനവുമായി നടന്‍ ടൊവിനോ തോമസ്. തന്റെ ഏറ്റവും പുതിയ ചിത്രം '2018 എവരിവണ്‍ ഈസ് എ ഹീറോ' എന്ന ചിത്രത്തിന്റെ പോസ്റ്റര്‍ പങ്കുവെച്ചാണ് നടന്റെ പ്രതികരണം. 'ഇതാണ് കേരളാ സ്റ്റോറി ഒറിജിനല്‍' എന്ന അടിക്കുറിപ്പോടുകൂടി മലയാളികളുടെ ഒത്തൊരുമയുടെ ഓര്‍മ്മപ്പെടുത്തല്‍ എന്ന പോസ്റ്ററാണ് ടൊവിനോ തോമസ് പങ്കുവെച്ചത്. ഓരോ മലയാളികളുടെയും സിനിമയാണ് 2018 എന്നും ഓരോ മലയാളിക്കും കണ്ടിരിക്കാവുന്ന, മലയാളികളല്ലാത്തവര്‍ക്ക് കാണിച്ചുകൊടുക്കാന്‍ പറ്റുന്ന സിനിമയാണിതെന്നും ടൊവിനോ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
2018-ലെ കേരളത്തിലെ പ്രളയവും മലയാളികള്‍ അതിനെ അതിജീവിച്ചതുമാണ് ചിത്രത്തിന്റെ പ്രമേയം. ടൊവിനോ തോമസ്, കുഞ്ചാക്കോ ബോബന്‍, ആസിഫ് അലി, വിനീത് ശ്രീനിവാസന്‍, ഇന്ദ്രന്‍സ്, ലാല്‍, നരേയ്ന്‍, അജു വര്‍ഗീസ്, അപര്‍ണാ ബാലമുരളി, തന്‍വി റാം, ശിവദ, വിനീതാ കോശി, ഇന്ദ്രന്‍സ്, രഞ്ജി പണിക്കര്‍, ജാഫര്‍ ഇടുക്കി, ജിബിന്‍ ഗോപിനാഥ് തുടങ്ങിയ വന്‍ താരനിരയാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഇന്നലെ പുറത്തിറങ്ങിയ ചിത്രത്തിന് വലിയ പ്രേക്ഷക സ്വീകാര്യതയാണ് ലഭിക്കുന്നത്.
