കൊച്ചി: മോന്സന് മാവുങ്കല്‍ പ്രതിയായ പുരാവസ്തു തട്ടിപ്പുകേസില്‍ പ്രതിചേര്‍ത്തതിനെതിരെ കെപിസിസി അധ്യക്ഷന്‍ കെ സുധാകരന് ഇന്ന് ഹൈക്കോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിക്കും. അപേക്ഷ ഇന്നുതന്നെ പരിഗണിക്കണമെന്നും ആവശ്യപ്പെടുമെന്നാണ് റിപ്പോര്‍ട്ട്. പ്രതിപ്പട്ടികയില്‍നിന്ന് ഒഴിവാക്കാനുളള നിയമനടപടികളെക്കുറിച്ച് നിയമ വിദഗ്ദരുമായി കൂടിയാലോചന തുടങ്ങി. കെ സുധാകരന് അന്വേഷണസംഘത്തോട് എഫ് ഐ ആറിന്റെ പകര്‍പ്പ് ആവശ്യപ്പെടും. ഇന്നലെയാണ് ബുധനാഴ്ച്ച ചോദ്യംചെയ്യലിന് കളമശേരി ഓഫീസില്‍ ഹാജരാകണമെന്ന് ആവശ്യപ്പെട്ട് ക്രൈംബ്രാഞ്ച് സംഘം സുധാകരന് നോട്ടീസ് നല്‍കിയത്. അതിനുപിന്നാലെയാണ് അറസ്റ്റ് സാധ്യത തടയാന്‍ കോടതിയെ സമീപിക്കാനുളള സുധാകരന്റെ നീക്കം.
സുധാകരനെ പ്രതിചേര്‍ത്ത് ക്രൈംബ്രാഞ്ച് കോടതിയില്‍ റിപ്പോര്‍ട്ട് നല്‍കിയിട്ടുണ്ട്. എറണാകുളം അഡീഷണല്‍ സി ജെ എം കോടതിയിലാണ് റിപ്പോര്‍ട്ട് സമര്‍പ്പിച്ചത്. വ്യാജരേഖ ചമയ്ക്കല്‍, വഞ്ചനാക്കുറ്റം അടക്കമുളള ഗുരുതര വകുപ്പുകളാണ് കെ സുധാകരനുമേല്‍ ചുമത്തിയിരിക്കുന്നത്. മോന്സന് മാവുങ്കലുമായി കെ സുധാകരന് സാമ്പത്തിക ഇടപാടുകള്‍ നടത്തിയിട്ടുണ്ടെന്ന കണ്ടെത്തലിന്റെ അടിസ്ഥാനത്തിലാണ് ക്രൈംബ്രാഞ്ച് നടപടി.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ലോകത്തിലെ ഏറ്റവും വലിയ പുരാവസ്തു മ്യൂസിയം സ്ഥാപിക്കാനെന്ന് വിശ്വസിപ്പിച്ച് 10 കോടി തട്ടിയതായി കോഴിക്കോട് സ്വദേശികളായ എംടി ഷമീര്‍, സിദ്ദിഖ്, സലിം, മലപ്പുറം സ്വദേശി ഷാനിമോന്‍, തൃശൂര്‍ സ്വദേശി അനൂപ് മുഹമ്മദ് എന്നിവര്‍ നല്‍കിയ പരാതിയില്‍ 2021 സെപ്റ്റംബര്‍ 26-നാണ് ക്രൈംബ്രാഞ്ച് മോന്സന് മാവുങ്കലിനെ അറസ്റ്റ് ചെയ്തത്. 25 ലക്ഷം രൂപ മോന്സന് കൈമാറുമ്പോള്‍ കെ സുധാകരന് മോന്‍സന്റെ വീട്ടിലുണ്ടായിരുന്നെന്നാണ് പരാതിക്കാരുടെ ആരോപണം. മോന്സന് സുധാകരന് 10 ലക്ഷം കൈമാറുന്നത് കണ്ടതായി മോന്‍സന്റെ ഡ്രൈവറായിരുന്ന അജിത്തും ജീവനക്കാരായിരുന്ന ജെയ്‌സണും ജോഷിയും കോടതിയില്‍ രഹസ്യമൊഴി നല്‍കിയിരുന്നു. മോന്‍സനും സുധാകരനും ഒന്നിച്ചുളള ചിത്രങ്ങളും പുറത്തുവന്നിരുന്നു. മോന്‍സനെ ആറോ ഏഴോ തവണ താന്‍ കണ്ടിട്ടുണ്ടെന്നും ത്വക്ക് ചികിത്സയ്ക്കായാണ് അവരുടെ വീട്ടില്‍ പോയതെന്നുമാണ് സുധാകരന് നേരത്തെ പറഞ്ഞത്. കേസില്‍ പ്രതിയാക്കിയതില്‍ ഇന്ന് സുധാകരന്റെ പ്രതികരണമുണ്ടാകും.
