തിരുവനന്തപുരം: ഇടുക്കി എഞ്ചിനീയറിംഗ് കോളേജിലെ എസ് എഫ് ഐ പ്രവര്‍ത്തകന്‍ ധീരജിനെ കൊലപ്പെടുത്തിയ കേസിലെ പ്രതി നിഖില്‍ പൈലിയെ സംസ്ഥാന ഭാരവാഹിയാക്കി യൂത്ത് കോണ്‍ഗ്രസ്. ഇന്ത്യന്‍ യൂത്ത് കോണ്‍ഗ്രസ് ഔട്ട്‌റീച്ച് സെല്ലിന്റെ വൈസ് ചെയര്‍മാനാണ് നിയമനം. ഔട്ട്‌റീച്ച് സെല്ലിന്റെ ദേശീയ ചെയര്‍മാന്‍ അഡ്വ. ചാണ്ടി ഉമ്മനാണ് ഭാരവാഹിപ്പട്ടിക പുറത്തുവിട്ടത്. അഡ്വ. മനു അര്‍ജുന്‍ പി ആണ് വര്‍ക്കിംഗ് ചെയര്‍മാന്‍. കെ എം ഷിയാസ്, ലാലന്‍ ആര്‍, വിനീഷ് വി സി, ശശി പി എ എന്നിവരാണ് മറ്റ് വൈസ് ചെയര്‍മാന്‍മാര്‍.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ധീരജ് വധക്കേസിലെ ഒന്നാംപ്രതിയാണ് യൂത്ത് കോണ്‍ഗ്രസ് വാഴത്തോപ്പ് മണ്ഡലം പ്രസിഡന്റായ നിഖില്‍ പൈലി. 2022 ജനുവരി പത്തിന് കോളേജ് തെരഞ്ഞെടുപ്പുമായി ബന്ധപ്പെട്ടുണ്ടായ സംഘര്‍ഷത്തിനിടെ ധീരജിനെ കുത്തിക്കൊന്നു എന്നതാണ് നിഖില്‍ പൈലിക്കെതിരായ കേസ്. കേസില്‍ അറസ്റ്റിലായ നിഖിലിന് 2022 ഏപ്രില്‍ എട്ടിന് ജാമ്യം ലഭിച്ചു. ജെറിന്‍ ജോജോ, ജിതിന്‍ ഉപ്പുമാക്കന്‍, ടോണി തേക്കിലക്കാടന്‍, നിതിന്‍ ലൂക്കോസ്, സോയിമോന്‍ സണ്ണി, ജസിന്‍ ജോയ്, അലന്‍ ബോബി എന്നിവരാണ് കേസിലെ മറ്റ് പ്രതികള്‍.
