മലപ്പുറം: എല്ഡിഎഫ് കണ്വീനര് ഇപി ജയരാജനെയും ബിജെപി നേതാവ് ശോഭാ സുരേന്ദ്രനെയും യുഡിഎഫിലേക്ക് ക്ഷണിച്ച് യുഡിഎഫ് കണ്വീനര് എം എം ഹസ്സന്. ഇരുപാര്ട്ടി നേതൃത്വങ്ങളുടെയും ഏകാധിപത്യത്തില് ഇരുവരും അതൃപ്തരാണെന്നും സ്വതന്ത്ര്യമായി രാഷ്ട്രീയ ശുദ്ധവായു ശ്വസിക്കാന് തയാറാണെങ്കില് ഇരുവരെയും ഉള്ക്കൊളളുന്ന കാര്യം കോണ്ഗ്രസ് പരിഗണിക്കുമെന്നും എം എം ഹസ്സന് പറഞ്ഞു. ട്വന്റിഫോര് ന്യൂസിനോടായിരുന്നു അദ്ദേഹം ഇക്കാര്യം പറഞ്ഞത്.
'ഇപി ജയരാജനെപ്പോലുളള ഒരാള് മാര്ക്സിസ്റ്റ് പാര്ട്ടിയുടെ സര്വ്വാധിപത്യത്തിനും ഏകാധിപത്യത്തിനും ജനാധിപത്യവിരുദ്ധമായ പ്രവര്ത്തനങ്ങള്ക്കുമെതിരെ നിലപാട് സ്വീകരിച്ച് കോണ്ഗ്രസിന്റെ അടിസ്ഥാന തത്വങ്ങളില് വിശ്വാസമര്പ്പിച്ച് വന്നാല് ഞങ്ങള് അക്കാര്യം ആലോചിക്കും, തീരുമാനവും എടുക്കും. ശോഭാ സുരേന്ദ്രന് ബിജെപിയുടെ പ്രവര്ത്തനത്തില് വളരെയധികം അഭിപ്രായ വ്യത്യാസങ്ങളുണ്ട്. ബിജെപിയുടെ വര്ഗീയ ഫാസിസത്തെയും അടിസ്ഥാന നയങ്ങളെയും എതിര്ത്ത് സ്വതന്ത്ര്യമായി രാഷ്ട്രീയ ശുദ്ധവായു ശ്വസിക്കാന് തയാറായാല് ശോഭാ സുരേന്ദ്രനെയും ഉള്ക്കൊളളുന്ന കാര്യം ഞങ്ങള് ആലോചിക്കും'- എം എം ഹസ്സന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക