നടന്‍ ദുല്‍ഖര്‍ സല്‍മാനൊപ്പം അഭിനയിക്കാന്‍ ആഗ്രഹമുണ്ടെന്ന് ഡി വൈ എഫ് ഐ നേതാവ് ചിന്താ ജെറോം. ദുല്‍ഖറിന്റെ നായികയായി അഭിനയിക്കണമെന്നല്ല, അദ്ദേഹത്തിന്റെ സിനിമയില്‍ അഭിനയിക്കണമെന്നാണ് തന്റെ ആഗ്രഹമെന്ന് ചിന്താ ജെറോം പറഞ്ഞു. മൂവി വേള്‍ഡ് മീഡിയക്ക് നല്‍കിയ അഭിമുഖത്തിലാണ് ചിന്താ ജെറോം ഇക്കാര്യം പറഞ്ഞത്. ഏത് നടനൊപ്പം അഭിനയിക്കാനാണ് താല്‍പ്പര്യം എന്ന ചോദ്യത്തിനായിരുന്നു ചിന്തയുടെ മറുപടി.
'എനിക്ക് ദുല്‍ഖറിന്റെ കൂടെ അഭിനയിക്കണമെന്നാണ് ആഗ്രഹം. മമ്മൂക്കയെ അറിയാം. പക്ഷെ ദുല്‍ഖറിനെ നേരിട്ട് കണ്ടിട്ടില്ല. ദുല്‍ഖറിന്റെ നായിക ആവണമെന്നല്ല ഞാന്‍ ഉദ്ദേശിച്ചത്. അദ്ദേഹത്തിന്റെ സിനിമയില്‍ കൂടെ അഭിനയിക്കണം എന്നാണ്. സണ്ണി വെയ്ന്‍ എന്റെ അടുത്ത സുഹൃത്താണ്. സണ്ണിയുടെ സുഹൃത്താണല്ലോ ദുല്‍ഖര്‍. ആ വഴിക്ക് കാര്യം എളുപ്പമാണ്' -ചിന്താ ജെറോം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
മഞ്ജു വാര്യര്‍, ശോഭന. റിമ കല്ലിങ്കല്‍, പാര്‍വ്വതി തിരുവോത്ത്, നിഖില വിമല്‍ എന്നീ നായികമാരെയാണ് തനിക്കിഷ്ടമെന്നും അവരുടെയെല്ലാം നിലപാടുകള്‍ താന്‍ ശ്രദ്ധിക്കാറുണ്ടെന്നും ചിന്ത പറഞ്ഞു. സ്‌ട്രോങ്ങായി ബോള്‍ഡായി നിലപാടുകള്‍ പറയുന്ന പെണ്‍കുട്ടികള്‍ നമുക്ക് എപ്പോഴും ആവേശമാണെന്നും നിഖിലാ വിമല്‍ ഇന്റര്‍വ്യൂകളില്‍ സംസാരിക്കുന്നത് കാണുമ്പോള്‍ സന്തോഷം തോന്നാറുണ്ടെന്നും ചിന്ത കൂട്ടിച്ചേര്‍ത്തു.
