തിരുവനന്തപുരം: പുതുപ്പളളി യുഡിഎഫ് സ്ഥാനാര്ത്ഥി ചാണ്ടി ഉമ്മന്റെ മകള് അച്ചുവിനെതിരായ സിപിഎം സൈബര് ഗുണ്ടകളുടെ ആക്രമണം നേതാക്കളുടെ അറിവോടെയാണെന്ന് പ്രതിപക്ഷ നേതാവ് വി ഡി സതീശന്. ഉമ്മന്ചാണ്ടിയുടെ മകളെന്ന പരിഗണന പോലും കൊടുക്കാതെ സമൂഹമാധ്യമങ്ങളിലൂടെ അച്ചുവിനെയും കുടുംബത്തെയും അധിക്ഷേപിക്കുകയാണെന്നും തെരഞ്ഞെടുപ്പ് ജയിക്കാന് എന്ത് വൃത്തികേടും കാട്ടുമെന്ന അവസ്ഥയിലാണ് സിപിഎമ്മെന്നും വി ഡി സതീശന് പറഞ്ഞു. മുഖ്യമന്ത്രിയുടെ മകള് വീണാ വിജയന്റെ പേരുപറഞ്ഞാണ് അച്ചു ഉമ്മനെ അധിക്ഷേപിക്കുന്നതെന്നും വീണാ വിജയനെ തങ്ങളാരും അധിക്ഷേപിച്ചിട്ടില്ലെന്നും പ്രതിപക്ഷ നേതാവ് വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'കണ്ടന്റ് ക്രിയേഷനാണ് ഉമ്മന്ചാണ്ടിയുടെ മകള് അച്ചുവിന്റെ ജോലി. അതിന്റെ ഭാഗമായി അവര് തന്നെ ഇന്സ്റ്റഗ്രാമില് പങ്കുവെച്ച വീഡിയോകളും ചിത്രങ്ങളും വളരെ മോശമായ അടിക്കുറിപ്പുകളോടെ സിപിഎം സൈബര് ഗുണ്ടകള് പ്രചരിപ്പിക്കുകയാണ്. അച്ചു ഉമ്മന് ഒരു സര്വ്വീസും ചെയ്യാതെ ആരുടെ കയ്യില്നിന്നും പണം വാങ്ങിയിട്ടില്ല. ഉമ്മന്ചാണ്ടിയുടെ പേര് അവര് ദുരുപയോഗം ചെയ്തിട്ടില്ല. കഠിനാധ്വാനം ചെയ്ത് ജീവിക്കുന്ന പെണ്കുട്ടിയെ അവര് വെറുതെ വിടാന് തയാറാകുന്നില്ല. ഉമ്മന്ചാണ്ടിയുടെ മകളെന്ന പരിഗണന പോലും കൊടുക്കാതെ സമൂഹമാധ്യമങ്ങളിലൂടെ നേതാക്കളുടെ അറിവോടെ സിപിഎം സൈബര് ഗുണ്ടകള് അവരെ അധിക്ഷേപിക്കുകയാണ്'- വി ഡി സതീശന് പറഞ്ഞു.