കണ്ണൂര്: പുതുപ്പളളി ഉപതെരഞ്ഞെടുപ്പില് ബിജെപിയുടെ വോട്ടുകള് എവിടേക്കാണ് പോയതെന്ന ചോദ്യവുമായി എല്ഡിഎഫ് കണ്വീനര് ഇ പി ജയരാജന്. എല്ഡിഎഫിന് കിട്ടേണ്ട വോട്ട് എല്ഡിഎഫിനു തന്നെ കിട്ടിയിട്ടുണ്ടെന്നും ബിജെപിയുടെ പെട്ടി കാലിയാണെന്നും ഇ പി ജയരാജന് പറഞ്ഞു. 'ഇപ്പോഴത്തെ ഫലം വെച്ച് നോക്കിയാല് യുഡിഎഫ് സ്ഥാനാര്ത്ഥി നല്ല ഭൂരിപക്ഷത്തോടെ വിജയിക്കും. പക്ഷെ ബിജെപിക്ക് വോട്ടില്ല. അതെങ്ങോട്ടുപോയി? അവര്ക്ക് മണ്ഡലത്തില് കഴിഞ്ഞ തവണ ലഭിച്ച വോട്ടുപോലും ഇപ്പോഴില്ലല്ലോ? ബിജെപിയുടെ പെട്ടി കാലിയാണ്. അവരുടെ വോട്ട് എങ്ങോട്ടാണ് പോയത്? ഞങ്ങള്ക്കുളള വോട്ട് ഞങ്ങള്ക്കുതന്നെ ലഭിച്ചതായാണ് കാണുന്നത്. പൂര്ണമായ ഫലം വരട്ടെ. എന്നിട്ട് വിശകലനം ചെയ്ത് സംസാരിക്കാം'- എന്നാണ് ഇ പി ജയരാജന് പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, പുതുപ്പളളി മണ്ഡലത്തിലെ പിതാവ് ഉമ്മന്ചാണ്ടിയുടെ എക്കാലത്തെയും മികച്ച ഭൂരിപക്ഷം മറികടന്നാണ് ചാണ്ടി ഉമ്മന് മിന്നും വിജയം നേടിയത്. 37,719 വോട്ടിന്റെ ഭൂരിപക്ഷമാണ് ചാണ്ടി ഉമ്മന് ലഭിച്ചത്. വോട്ടെണ്ണലിന്റെ തുടക്കം മുതല് ചാണ്ടിക്ക് വ്യക്തമായ ലീഡുണ്ടായിരുന്നു. അവസാനം ലഭിച്ച കണക്കുകളനുസരിച്ച് ചാണ്ടി ഉമ്മന് 78,649 വോട്ടുകളാണ് ലഭിച്ചത്. എല്ഡിഎഫ് സ്ഥാനാര്ത്ഥി ജെയ്ക്ക് സി തോമസിന് 41,982 വോട്ടും ബിജെപി സ്ഥാനാര്ത്ഥിക്ക് 6486 വോട്ടും ലഭിച്ചു. 2011-ല് ഉമ്മന്ചാണ്ടി നേടിയ 33,255 വോട്ടാണ് പുതുപ്പളളി കണ്ട ഏറ്റവും വലിയ ഭൂരിപക്ഷം. ഇതാണ് മകന് ചാണ്ടി ഉമ്മന് മറികടന്നിരിക്കുന്നത്.