ചെന്നൈ: ഒരുകാലത്ത് താനും ആത്മഹത്യയെക്കുറിച്ച് ചിന്തിച്ചിരുന്നെന്ന് നടന് കമല് ഹാസന്. സിനിമയില് വേണ്ടത്ര അവസരങ്ങള് ലഭിക്കാതിരുന്നത് തന്നെ നിരാശനാക്കിയിരുന്നെന്നും ആത്മഹത്യ ഒന്നിനും പരിഹാരമല്ലെന്ന് ഉറച്ചുവിശ്വസിച്ചിരുന്നെന്നും നടന് പറഞ്ഞു. ജീവിതത്തില് എന്നും ഇരുട്ട് മാത്രമായിരിക്കില്ല, അതിനെ മറികടന്ന് വെളിച്ചം വരുമെന്നും കഠിനാധ്വാനം ചെയ്താല് വിജയിക്കാന് സാധിക്കുമെന്നും കമല് ഹാസന് പറഞ്ഞു. ചെറുപ്പക്കാര്ക്കിടയില് വര്ധിച്ചുവരുന്ന ആത്മഹത്യാ പ്രവണതയെക്കുറിച്ച് ചെന്നൈയില് വിദ്യാര്ത്ഥികളോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'ചെറുപ്പത്ത് ഞാനും ആത്മഹത്യയെക്കുറിച്ച് ചിന്തിച്ചിട്ടുണ്ട്. 20-21 വയസില്. അന്ന് സിനിമയില് വേണ്ടത്ര അവസരങ്ങള് ലഭിച്ചിരുന്നില്ല. അതെന്നെ നിരാശനാക്കി. എന്നാല് ആത്മഹത്യ ഒന്നിനും പരിഹാരമല്ലെന്ന് എനിക്കറിയാമായിരുന്നു. ജീവിതത്തില് എല്ലാക്കാലവും ഇരുട്ട് മാത്രമായിരിക്കില്ല. വെളിച്ചവും കടന്നുവരും. കഠിനാധ്വാനം ചെയ്താല് തീര്ച്ചയായും വിജയിക്കാന് സാധിക്കും. ഇരുണ്ട കാലത്ത് ഭാവി ശോഭനമാക്കുന്ന സ്വപ്നങ്ങള് കാണുക. മരണം ജീവിതത്തിലെ ഒരു അധ്യായമാണ്. അതിനെ തേടിപ്പോവരുത്. അത് വരുമ്പോള് വരട്ടെ'- കമല് ഹാസന് പറഞ്ഞു.